‘सखी श्रावण सोहळा’ आज, भेटीला येणार शुभम-कीर्ती

- लोकमत सखी मंच, स्टार प्रवाहचे आयोजन

लोकमत न्यूज नेटवर्क

नागपूर : लोकमत सखी मंच व स्टार प्रवाह वाहिनीच्या वतीने सखींसाठी ‘सखी श्रावण सोहळा’ हा मनोरंजनाने भरपूर असा उपक्रम आयोजित करण्यात आला आहे. गुरुवारी २ सप्टेंबर रोजी दुपारी २ वाजता कार्यक्रम फेसबूक लाईव्हद्वारे हा कार्यक्रम रंगणार असून, स्टार प्रवाह वाहिनीवरील लोकप्रिय जोडी शुभम व कीर्ती या कार्यक्रमाला हजेरी लावणार आहे.

आशिर्वाद सिल्वर व महावीर मेवावाला यांच्या सहकार्याने ‘सखी श्रावण सोहळा’ आयोजित करण्यात आला आहे. गुरुवारी फेसबूक लाईव्हद्वारे या सोहळ्यात वन मिनिट गेम, मंगळागौरी सादरीकरण, उखाणे स्पर्धा, सिल्वर फॅशन क्विन असे धमाल मस्ती व मनोरंजनाने भरलेले उपक्रम असतील. यात सहभाग घेणाऱ्यांना भरघोस बक्षीसे जिंकण्याची संधी प्राप्त होणार आहे. याच कार्यक्रमात सखी सुगरण व स्टार प्रवाहची महाराणी या दोन्ही स्पर्धेचे निकाल जाहीर केले जातील. या सोहळ्याचे साक्षीदार होण्यासाठी समस्त सखींना https://www.facebook.com/lokmateventsnagpur या लिंकवरून सहभागी होता येणार आहे.

..........