एसटी कर्मचाऱ्यांचे वेतन १० दिवसापासून रखडले

आगार. कर्मचारी

१) गणेशपेठ. ३८८

२) घाट रोड. २९३

३) इमामवाडा. २७६

४) वर्धमाननगर. २१२

५) रामटेक. २६५

६) सावनेर. २४१

७) उमरेड. २४६

८) काटोल. ३२३

आगार/उत्पन्न/खर्च

१) गणेशपेठ. १५८७ कोटी/३४९९ कोटी

२) घाट रोड. ८७६ कोटी/२३०६ कोटी

३) इमामवाडा. ८७६ कोटी/ २०२७ कोटी

४) वर्धमाननगर ७७८ कोटी/१४६५ कोटी

५) रामटेक. ५५४ कोटी/१४८६ कोटी

६)सावनेर. ५५४ कोटी/१४९७ कोटी

७) उमरेड. ५४६ कोटी/१६९१ कोटी

८) काटोल. ७०४ कोटी. १७८० कोटी

उत्पन्न कमी आणि खर्च अधिक

कोरोनामुळे सध्या एसटी बसेसची संख्या रोडावली आहे. उत्पन्न कमी आणि खर्च अधिक अशी स्थिती निर्माण झाली आहे. उत्पन्नापेक्षा खर्च १४ ते १९ कोटींनी वाढला आहे. अशा स्थितीत कर्मचाऱ्यांचे वेतनही कसे द्यावे, असा प्रश्न एसटी प्रशासनासमोर निर्माण झाला आहे. त्यामुळे ही परिस्थिती बदलण्यासाठी एसटीचे शासनात विलीनीकरण करण्याची मागणी कर्मचारी करीत आहेत

पैसे कितीवेळा उसने घ्यावे

दर महिन्यात वेतन उशिरा मिळते, त्यामुळे घर चालविण्यासाठी अडचण येते. नातेवाईक किंवा मित्रांकडून पैसे तरी कितीवेळा उसने घ्यावे, असा प्रश्न पडतो.

- कुणाल जाधव वाहक

नियमित वेतन द्यावे

प्रवाशांची सेवा करण्यासाठी आम्ही रात्री घराबाहेर राहतो, तरीसुद्धा आम्हाला वेळेवर वेतन मिळत नाही. एसटी प्रशासनाने आम्हाला नियमित वेतन देण्याची व्यवस्था करावी.

अभय चांदेकर, चालक

वेतनाचा मुद्दा विचाराधीन

डिझेलचे भाव वाढल्यामुळे आणि कोरोनाच्या पार्श्वभूमीवर एसटीचे उत्पन्न कमी झाले आहे. कर्मचाऱ्यांचे वेतन देण्याचा मुद्दा विचाराधीन आहे आगामी काही दिवसात यावर निर्णय होईल.

- शिवाजी जगताप उपमहाव्यवस्थापक नियंत्रण समिती तीन मुंबई

....