इंडियन ऑइल कॉर्पोरेशन लिमिटेडचे विक्री अधिकारी सीबीआयच्या जाळ्यात

Nagpur News प्रत्येकी एक लाख रुपयाची लाच मागितल्याच्या आरोपावरून केंद्रीय गुन्हे अण्वेषण विभागाने (सीबीआय) एकाच दिवशी दोन स्वतंत्र गुन्हे दाखल करून इंडियन ऑइल कॉर्पोरेशन लिमिटेडचे (आयओसीएल)च्या तीन अधिकाऱ्यांना ताब्यात घेतले.

ठळक मुद्देएकाच दिवशी दोन स्वतंत्र गुन्हेतीन आरोपी, प्रत्येकी एक लाखाची लाच नागपूर आणि गोंदियात कारवाई

नागपूर - प्रत्येकी एक लाख रुपयाची लाच मागितल्याच्या आरोपावरून केंद्रीय गुन्हे अण्वेषण विभागाने (सीबीआय) एकाच दिवशी दोन स्वतंत्र गुन्हे दाखल करून इंडियन ऑइल कॉर्पोरेशन लिमिटेडचे (आयओसीएल)च्या तीन अधिकाऱ्यांना ताब्यात घेतले. नागपूर आणि गोंदियात सीबीआयने शुक्रवारी केलेल्या या कारवाईमुळे आयओसीएल वर्तुळात प्रचंड खळबळ उडाली आहे.

गोंदिया जिल्ह्यातील खाडीपार, गोरेगाव येथील मिरा पेट्रोल पंपाच्या मालकाला पंपावर आवश्यक साठा उपलब्ध करून देण्यासाठीदुसरीही अशीच एक आयओसीएलचे विक्री अधिकारी सुनील गोलार यांनी एक लाखाची लाच मागितली. पंप संचालकांनी सीबीआयचे वरिष्ठ अधीषक सलीम खान यांच्याकडे तक्रार नोंदवली. तक्रारीची शहानिशा सुरू असतानाच दुसरीही अशीच एक तक्रार आकाश अशोक चौधरी (गोरेगाव, गोंदिया) यांच्याकडून सीबीआयला मिळाली. या दोन्ही तक्रारी खऱ्या असल्याची खात्री करून घेतल्यानंतर अधीषक सलिम खान यांनी गुरुवारी रात्री या प्रकरणात दोन स्वतंत्र गुन्हे दाखल केले. त्यानंतर दोन वेगवेगळी पथके तयार करून एका पथकाने गोंदियात गोलारविरुद्ध तर दुसऱ्या पथकाने नागपुरात कारवाई करून आयओसीएलचे महाव्यवस्थापक एन. पी. रोडगे आणि मुख्य व्यवस्थापक मनीष नंदले (किरकोळ विक्री) या दोघांना एक लाखाची लाच घेताना सीबीआयच्या अधिकाऱ्यांनी रंगेहात पकडले.

तिकडे गोंदिया, इकडे नागपूर

तिकडे गोंदियात गोलरच्या मुसक्या बांधल्यानंतर सीबीआयच्या पथकाने त्याच वेळी नंदले आणि रोडगेला नागपुरात जेरबंद केले. यानंतर या तिघांच्याही निवास आणि कार्यालयात सीबीआयच्या वेगवेगळ्या चमू झाडाझडती घेऊ लागल्या. रात्रीपर्यंत ही चौकशी सुरू होती. शनिवारी या तीनही लाचखोर अधिकाऱ्यांना सीबीआयच्या विशेष न्यायालयात हजर केले जाईल, अशी माहीती अधीषल सलीम खान यांनी लोकमतला दिली. अशा प्रकारे लाचेसाठी कुणी काम अडवून धरत असेल आणि कोंडी करत असेल तर अशा लाचखोरांची तक्रार ०७१२-२५१०३८२ किंवा ९४२३६८३२११ या क्रमांकावर करावी, असे आवाहनही सीबीआयने केले आहे.

ए-वन, ए-टूचा होता कोड

आरोपी अधिकारी लाच घेताना सांकेतिक भाषेचा (कोडवर्ड) वापर करीत होते. रोडगे हे ए-वन नावाने तर नंदले ए -टू नावाने वावरत होते. लाच घेऊन गेलेल्या व्यक्तीला रोडगेने ती रक्कम ए टू कडे देण्यास सांगितले होते. त्यांच्यातील हा सर्व सांकेतिक व्यवहार सीबीआयने आधिच रेकॉर्ड केला होता. त्यामुळे त्यांना लाच स्विकारताना पकडताना पोलिसांना अडचण गेली नाही.