मसाेराच्या सरपंचपदी संध्या कांबळे विजयी

लाेकमत न्यूज नेटवर्क

सावरगाव : मसाेरा (ता. नरखेड) येथील सरपंचपदाच्या पाेटनिवडणुकीत संध्या कांबळे यांनी ममता गजभिये यांचा पाच मतांनी पराभव केल्याने त्यांची सरपंचपदी निवड करण्यात आली. विद्या गायधने यांच्यावर घेण्यात आलेला अविश्वास प्रस्ताव पारित करण्यात आल्याने ही पाेटनिवडणूक घेण्यात आली.

मसाेरा ग्रामपंचायतची सार्वत्रिक निवडणूक ऑक्टाेबर २०१७ मध्ये पार पडली हाेती. त्यावेळी येथील सरपंचपद नागरिकांच्या मागास प्रवर्गातील महिलांसाठी राखीव करण्यात आले हाेते. त्याअनुषंगाने विद्या गायधने यांची सरपंचपदी निवड करण्यात आली हाेती. त्यांच्यावर अविश्वास प्रस्ताव पारित करण्यात आल्याने येथील सरपंचपद रिक्त झाले हाेते. मध्यंतरी सरपंचपदाचा प्रभार उपसरपंच जयपाल सेंबेकर यांच्याकडे हाेता.

येथील सरपंचपदाची पाेटनिवडणूक शुक्रवारी (दि. १३) घेण्यात आली. यात संध्या कांबळे व ममता गजभिये यांनी उमेदवारी अर्ज दाखल केले हाेते. यात संध्या कांबळे यांना सहा तर ममता गजभिये यांना एक मत मिळाल्याने संध्या कांबळे पाच मतांनी विजयी झाल्याचे निवडणूक निर्णय अधिकाऱ्यांनी जाहीर केले. या सभेला ग्रामपंचायतचे सर्व सदस्य उपस्थित हाेते.