कोराडी येथे संत रविदास महाराज जयंती

काेराडी : संत रविदास महाराज यांच्या जयंतीनिमित्त काेराडी येथे चर्मकार सेवा संघ महादुला-काेराडीच्या वतीने कार्यक्रमाचे आयाेजन करण्यात आले हाेते. यावेळी संत रविदास महाराज यांच्या प्रतिमेचे पूजन करून त्यांना अभिवादन करण्यात आले, शिवाय विविध सामाजिक उपक्रम घेण्यात आले.

महादुला नगरपंचायतचे नगराध्यक्ष राजेश रंगारी यांच्या हस्ते कार्यक्रमाचे उद्घाटन करण्यात आले. याप्रसंगी प्रमुख अतिथी म्हणून नगरसेविका सारिका झोड, गुरुदेव सेवा मंडळाचे अध्यक्ष प्रकाश भालेराव, भाजपा महिला आघाडीच्या नंदा तुरक, चर्मकार सेवा संघ महादुला कोराडी सर्कलचे अध्यक्ष राजू सेवतकर, सचिव करुणा मनघटे, दिलीप मनघटे उपस्थित होते. अतिथींनी भाषणांमधून संत रविदास महाराज यांच्या जीवनकार्यावर प्रकाश टाकला. यावेळी नागरिकांना मास्कचे वितरण करण्यात आले. कार्यक्रमाचे संचालन व आभार प्रदर्शन करुणा मनघटे यांनी केले. यशस्वितेसाठी रितेश सोनेकर, प्रशांत सोनेकर, विलास मनघटे, विलास कनोजे, ललित सेवतकर, भारती शोर, माला सोनेकर, अश्विनी बर्वे, रमेश सरोदे, सचिन चवरे, साधना सरोदे यांनी सहकार्य केले.