सात जणांनी लावला गळफास

कोराडी पोलीस ठाण्याच्या हद्दीतील श्रीकृष्णधाम, वॉक्स कुलरमागे राहणारा रोशन पुनाजी भलावी (वय २६) याने सोमवारी दुपारी ३.३०च्या सुमारास गळफास लावून आत्महत्या केली.

गिट्टीखदानमधील पिटेसूरच्या सागवान पहाडीवर एका पळसाच्या झाडाला नायलॉनच्या दोरीने गळफास लावून घेत ताज इस्माईल शेख (वय ३०, रा. वाठोडा) याने गळफास लावून घेतला.

गिट्टीखदानमधीलच मकरधोकडा जगदीशनगरात राहणारे हेमराज शामराव वरठी (वय ५१) यांनी गळफास लावून आत्महत्या केली.

अंबाझरीतील हिलटॉप सेवानगर येथे राहणारे मनोज विकूजी नागेश्वर (वय ४७) यांनी सोमवारी दुपारी ३ च्या सुमारास गळफास लावून आत्महत्या केली.

यशोधरानगरातील कांजी हाऊस चाैकाजवळ राहणारे योगेश गुलाबराव घुमे (वय ३५) यांनी सोमवारी रात्री गळफास लावून घेतला.

हुडकेश्वरमधील वैभवनगर, दिघोरी येथील रहिवासी चंद्रकांत उत्तम उमक (वय ४२) यांनी गळफास लावून आत्महत्या केल्याची घटना मंगळवारी सकाळी उघडकीस आली.

सोनेगावमधील न्यू स्वावलंबीनगरात राहणारे विजय जयलाल रहांगडाले (वय ३४) यांनी गळफास लावून आत्महत्या केली. या सर्व प्रकरणात संबंधित पोलिसांनी अकस्मात मृत्यूची नोंद केली. पुढील तपास सुरू आहे.

----

तरुणीने विष प्राशन केले

नागपूर : दीक्षा दीपक नारनवरे (वय २१, रा. सिरसपेठ) नामक तरुणीने विष पिऊन आत्महत्या केली. ५ जूनच्या दुपारी ४ वाजता तिने विष घेतले. ते लक्षात आल्यानंतर तिला घरच्यांनी मेडिकलमध्ये भरती केले. उपचार सुरू असताना डॉक्टरांनी सोमवारी सायंकाळी दीक्षाला मृत घोषित केले. मिळालेल्या सूचनेवरून इमामवाडा पोलिसांनी अकस्मात मृत्यूची नोंद केली. पुढील तपास सुरू आहे.

----

अंबाझरी तलावात मृतदेह आढळला

नागपूर : अंबाझरी तलावात मंगळवारी सकाळी ११ च्या सुमारास ब्रिजेश भारत तिवारी (वय २८) या तरुणाचा मृतदेह आढळला. भारत मोतीलाल तिवारी (वय ५१) यांनी दिलेल्या माहितीवरून अंबाझरी पोलिसांनी अकस्मात मृत्यूची नोंद केली. पुढील तपास सुरू आहे.

---