छाेटे मालवाहू वाहन पळविले

उमरेड : मैदानात उभे करून ठेवलेले छाेटे मालवाहू वाहन अज्ञात चाेरट्याने चाेरून नेले. ही घटना उमरेड शहरातील नायडू बाजार परिसरात बुधवारी (दि.१५) पहाटे ४ वाजताच्या सुमारास उघडकीस आली.

नरेश रातजी भाजीपाले (५०, रा. वायगाव, उमरेड) यांच्या मालकीचे एमएच-४०/बीजी-२२२७ क्रमांकाचे (मिनी ट्रक टाटासुमाे गाेल्ड चारचाकी) छाेटे मालवाहू वाहन चालकाने नायडू बाजार पटांगणात मंगळवारी (दि.१४) रात्री ८ वाजताच्या सुमारास उभे करून ठेवले हाेते. दरम्यान, अज्ञात चाेरट्याने मालवाहू वाहन चाेरून नेले. बुधवारी पहाटेच्या सुमारास चालक वाहन ट्रिप लावण्यासाठी गेला असता, वाहन दिसून आले नाही. याबाबत कळताच भाजीपाले यांनी पाेलिसात तक्रार दाखल केली. याप्रकरणी उमरेड पाेलिसांनी भादंवि कलम ३७९ अन्वये गुन्हा नाेंदविला असून, पुढील तपास पाेलीस हवालदार विठ्ठल तितरमारे करीत आहेत.