गळफास लावून मजुराची आत्महत्या

पारशिवनी : झुडपी जंगलातील एका झाडाला गळफास लावून वीटभट्टीवरील मजुराने आत्महत्या केली. ही घटना तामसवाडी शिवारात रविवारी (दि. १६) सकाळी ८ वाजताच्या सुमारास उघडकीस आली.

विनाेदकुमार रामकिसन बनवाशी (वय ४५, रा. प्रतापगंज, उत्तर प्रदेश) असे मृताचे नाव असून, ताे तामसवाडी शिवारातील वीटभट्टीवर मजूर म्हणून कामाला हाेता. ताे शनिवारी (दि. १५) दुपारपासून बेपत्ता हाेता. त्याचा सर्वत्र शाेध घेण्यात आला; मात्र ताे कुठेही आढळून आला नाही. दरम्यान, रविवारी सकाळी आठ वाजण्याच्या सुमारास तामसवाडी परिसरातील झुडपी जंगलात एका झाडाला गळफास लावून ताे मृतावस्थेत आढळून आला. याबाबत पारशिवनी पाेलिसांना सूचना देण्यात आली. घटनेची माहिती मिळताच पाेलिसांनी घटनास्थळ गाठून पंचनामा केला व मृतदेह उत्तरीय तपासणीसाठी पारशिवनी येथील ग्रामीण रुग्णालयात आणला. त्याच्या आत्महत्येचे कारण कळू शकले नाही. याप्रकरणी पारशिवनी पाेलिसांनी आकस्मिक मृत्यूची नाेंद केली असून, तपास सुरू केला आहे.