सुसाट कार राेडवर उलटली

लाेकमत न्यूज नेटवर्क

काेंढाळी : चालकाचा ताबा सुटल्याने अनियंत्रित कार दुभाजकावर धडकली आणि विरुद्ध दिशेच्या लेनवर जाऊन उलटली. यात कारचालक जखमी झाला. ही घटना काेंढाळी (ता. काटाेल) पाेलीस ठाण्याच्या हद्दीतील नागपूर-अमरावती राष्ट्रीय महामार्गावरील रिंगणाबाेडी शिवारात शुक्रवारी (दि. ३) दुपारी ३ वाजताच्या सुमारास घडली.

नरेंद्र रामचंद्र करवते (४०, रा. अमरावती) असे जखमी कारचालकाचे नाव आहे. ते एमएच-३७/व्ही-६०६३ क्रमांकाच्या कारने अमरावतीहून काेंढाळीमार्गे नागपूरला जात हाेते. दरम्यान, रिंगणाबाेडी शिवारात त्यांचा अनियंत्रित कारवरील ताबा सुटला आणि कार दुभाजकावर आदळली. वेगामुळे ती कार नागपूरहून अमरावतीच्या दिशेने जाणाऱ्या लेनवर गेली व उलटली.

यात नरेंद्र करवते यांना दुखापत झाली. माहिती मिळताच पाेलिसांनी घटनास्थळ गाठले व त्यांना कारमधून बाहेर काढून उपचारासाठी काेंढाळी येथील प्राथमिक आराेग्य केंद्रात आणले. सुदैवाने कार उलटली, त्यावेळी त्या लेनवर जवळपास काेणतेही वाहन नव्हते. कार उलटताच वेगात ट्रक अथवा अन्य वाहन आले असते तर अनर्थ झाला असता. याप्रकरणी काेंढाळी पाेलिसांनी नाेंद केली असून, तपास हेड काॅन्स्टेबल सुनील बन्साेड करीत आहेत.