शिक्षिकेची मुलीसह आत्महत्या, विष प्राशन करून संपविले जीवन

बुटीबाेरीतील घटना

बुटीबाेरी (नागपूर) : शिक्षिका असलेल्या आईने मुलीसह कीटकनाशक औषध प्राशन करून आत्महत्या केली. ही घटना बुटीबाेरी पाेलिस ठाण्याच्या हद्दीतील प्रभाग क्रमांक ७, ओम साईनगर येथे रविवारी (दि. २१) सकाळी १०:३० वाजण्याच्या सुमारास उघडकीस आली.

चेतना शिरीष भक्ते (वय ३५) व हर्षिका ऊर्फ छवी शिरीष भक्ते (११) असे मृत मायलेकीचे नाव आहे. मृत चेतना ही पतीसाेबत पटत नसल्याने वडिलांच्या घरी मुलीसाेबत वास्तव्यास हाेती. उदरनिर्वाह करण्यासाठी ती परिसरातील खासगी शाळेत शिक्षिका म्हणून कार्यरत हाेती. शनिवारी रात्री जेवण करून ती झाेपायला आपल्या खाेलीत गेली हाेती. दरम्यान, रविवारी सकाळी १० वाजल्यानंतरही मुलगी व नात उठली नसल्याने तिचे वडील दिनेश गुरवे त्यांना उठविण्यासाठी गेले हाेते. मात्र, खाेलीचे दार ठाेठावूनही आतून काेणताही प्रतिसाद मिळत नसल्याने त्यांनी बाजूच्या भाडेकरूच्या खाेलीतून मुलीच्या खाेलीत जाऊन पाहिले असता, मुलीने आत्महत्या केल्याचे कळताच त्यांनी आरडाओरडा करून मुलाला व शेजाऱ्यांना बाेलावले.

घटनेची माहिती मिळताच पाेलिसांनी घटनास्थळ गाठून पंचनामा केला व मृत चेतनाचा मृतदेह उत्तरीय तपासणीसाठी पाठविला. तसेच मुलगी छवीची प्रकृती अत्यावस्थ असल्याने तिला लगेच बुटीबाेरी येथील खासगी दवाखान्यात नेले असता, डाॅक्टरांनी तिला नागपूर येथील खासगी रुग्णालयात पाठविले. तिथे उपचारादरम्यान छवीचा मृत्यू झाला. मायलेकींनी आत्महत्या का केली, हे मात्र कळू शकले नाही. याप्रकरणी बुटीबाेरी पाेलिस पुढील तपास करीत आहेत.