टोलीतील जुगार अड्डयावर छापा

गेल्या अनेक दिवसांपासून टोलीत जुगार अड्डा सुरू होता. त्याची कुणकुण लागताच युनिट ४ चे प्रभारी अशोक मेश्राम यांनी आपल्या साथीदारांसह गुरुवारी छापा घातला. यावेळी तेथे बंडू गणेश उमाळे (अजनी), सुनील बेदराम कुमार (दिल्ली), चेतन दयाराम इंगोले (श्यामनगर बेलतरोडी), करण मनोहर मानकर, दिलीप दीपक उफाडे (रा. दोघेही टोली), रामसिंह धनसिंह उफाडे (टोली), अनमोल विष्णू गायकवाड आणि विष्णू बहादूर लोंढे (रा. टोली, रामटेकेनगर) हे आठ जण जुगार खेळताना सापडले. पोलिसांनी त्यांना ताब्यात घेतले. त्यांच्याकडून ११, ७१५ रुपये, तीन मोबाईल आणि ताशपत्ते असा एकूण ४२ हजारांचा मुद्देमाल जप्त केला.

---

तडीपार गुंड जेरबंद

नागपूर - नागपुरातून तडीपार करण्यात आलेला कुख्यात गुंड मोबिन अहमद समसुद्दीन अहमद (३५, रा. महबूबपुरा) हा चाकू घेऊन फिरताना आढळल्याने यशोधरानगर पोलिसांनी त्याच्या गुरुवारी रात्री मुसक्या आवळल्या. त्याच्याकडून एक चाकू जप्त करण्यात आला. नागपुरात येण्यास बंदी असूनही तो येथे वावरताना आढळल्याने त्याला कोठडीत डांबण्यात आले.

----