भाडेकरू महिला-मुलाला मारहाण

नागपूर : फ्लॅट रिकामे करण्याच्या विवादात भाडेकरू महिला व तिच्या मुलावर घरमालकाने हल्ला केला. यादवनगर, यशोधरा येथील श्री कॉम्प्लेक्समध्ये शुभांगी प्रीतम डोंगरे तीन वर्षांपासून भाड्याने राहते. हा फ्लॅट बंडू देवकरच्या मालकीचा आहे. लॉकडाऊनपासूनच भाडे व वीज-पाणीबिल मिळाले नसल्याने देवकर व डोंगरे यांच्यात वाद सुरू होता. बंडू फ्लॅट रिकामे करण्यास सांगत होता. मात्र, वाद वाढतच गेला. हा वाद पोलीस ठाण्यापर्यंतही पोहोचला. मंगळवारी सकाळी बंडूची पत्नी यामिनी अन्य महिला व पुरुषांसोबत फ्लॅटमध्ये आली. त्यांनी शुभांगी बाथरूममध्ये असल्याने दार बंद केले. शुभांगीच्या मुलाने दार उघडल्याने नाराज होऊन यामिनी व तिच्या साथीदारांनी शुभांगी व तिच्या मुलाला मारझोड करण्यास सुरुवात केली. यशोधरानगर पोलिसांनी दंगल घडविणे व मारहाण करण्याचे प्रकरण नोंदवले आहे.

................