स्वत:च्याच ट्रॅक्टरखाली येऊन चालकाचा मृत्यू
By लोकमत न्यूज नेटवर्क | Published: March 1, 2023 05:35 PM2023-03-01T17:35:47+5:302023-03-01T17:40:51+5:30
Nagpur News स्वत:च्याच ट्र्रॅक्टरखाली येऊन त्याच्या चालकाचा मृत्यू झाल्याची दुर्दैवी घटना हिंगणा पोलीस ठाण्याच्या हद्दीत घडली.
स्वत:च्याच ट्रॅक्टरखाली येऊन चालकाचा मृत्यू
Next नागपूर : स्वत:च्याच ट्रॅक्टरखाली येऊन त्याच्या चालकाचा मृत्यू झाल्याची दुर्दैवी घटना हिंगणा पोलीस ठाण्याच्या हद्दीत घडली. कमलकांत संगमलाल पाठक (४८, वानाडोंगरी) असे संबंधित चालकाचे नाव आहे.
मंगळवारी पाठकर हे एमएच ३२-पीसी-०३६९ या ट्रॅक्टरने ऐरण गाव ते एसीसी कंपनी या मार्गावरून जात होते. अचानक मार्गावर खड्डे आल्याने त्यांचे ट्रॅक्टरवरील नियंत्रण सुटले व ते खाली पडले. नेमके त्याच वेळी ट्रॅक्टर खड्ड्यांमुळे रस्त्याच्या खाली उतरले व ते ट्रॅक्टरखालीच गेले. यात ते गंभीर जखमी झाले. घटनास्थळावरील लोकांनी त्यांना उपचारासाठी हिंगणा ग्रामीण रुग्णालयात नेले असता डॉक्टरांनी त्यांना मृत घोषित केले. पोलिसांनी या प्रकरणात अकस्मात मृत्यूची नोंद केली आहे.