Nitin Gadkari : बेळगावातील तुरुंगात बंद असलेल्या गँगस्टरकडून गडकरींच्या ऑफिसमध्ये धमकीचे फोन, कॉलरपर्यंत पोहोचले पोलीस
By ऑनलाइन लोकमत | Published: January 15, 2023 08:26 AM2023-01-15T08:26:07+5:302023-01-15T08:27:00+5:30
केंद्रीय मंत्री नितीन गडकरी यांना जीवे मारण्याची धमकी देण्यात आली आल्याची माहिती समोर आली होती.
Nitin Gadkari : बेळगावातील तुरुंगात बंद असलेल्या गँगस्टरकडून गडकरींच्या ऑफिसमध्ये धमकीचे फोन, कॉलरपर्यंत पोहोचले पोलीस
Next केंद्रीय मंत्री नितीन गडकरी यांना जीवे मारण्याची धमकी देण्यात आली आल्याची माहिती समोर आली होती. त्यांच्या नागपूरमधील जनसंपर्क कार्यालयात शनिवारी सकाळी धमकीचे तीन फोन आल्यामुळे एकच खळबळ उडाली होती. त्यानंतर पोलिसांनी कार्यालय आणि त्यांच्या निवासस्थानी सुरक्षा व्यवस्था वाढवून फोन करणाऱ्याचा तपास सुरु केला होता. या प्रकरणी शनिवारी नागपूर पोलिसांनी मोठी माहिती दिली. गुन्हेगार आणि गँगस्टर जयेश कांथा यानं गडकरींच्या कार्यालयात धमकीचे फोन केल्याचे पोलिसांनी सांगितलं. दरम्यान, हा गुन्हेगार सध्या बेळगावातील तुरुंगामध्ये शिक्षा भोगत आहे.
केंद्रीय मंत्री नितीन गडकरी यांना तुरुंगातूनच धमकी दिली जात असल्याचं पोलिसांनी सांगितलं. त्यांच्या कार्यालयात फोन करणारा हा गँगस्टर आणि हत्येचा आरोपी जयेश कांथा आहे. त्यानं अवैधरित्या फोनचा वापर केला आणि गडकरींच्या कार्यालयात फोन करून धमकी दिल्याची माहिती नागपूरचे सीपी अमितेश कुमार यांनी दिली.
#UPDATE | Union Minister Nitin Gadkari was being threatened from jail. The caller is a notorious gangster and murder accused Jayesh Kantha, who is imprisoned in Belagavi jail. He threatened Gadkari's office by using the phone illegally inside the jail: Amitesh Kumar, CP Nagpur
— ANI (@ANI) January 14, 2023
बेळगाव तुरुंग प्रशासनानं आरोपीकडील एक डायरी आपल्या ताब्यात घेतली आहे. तसंच नागपूर पोलिसांनी आरोपीसाठी पोडक्शन रिमांड मागितली आहे. या प्रकरणी आरोपीची पुढील चौकशी करणं आवश्यक आहे. त्यासाठी त्याला महाराष्ट्रात आणणार असल्याचं त्यांनी सांगितलं.
The jail administration has seized the diary from the accused, a team of Nagpur police has left for Belagavi for investigation, Nagpur police has asked for production remand: Amitesh Kumar, CP Nagpur
— ANI (@ANI) January 14, 2023
धमकीचे तीन फोन
केंद्रीय मंत्री नितीन गडकरी यांचे नागपुरातील खामला चौकात ऑरेंजसिटी हॉस्पीटलसमोर जनसंपर्क कार्यालय आहे. शनिवारी त्यांच्या या कार्यालयात धमकीचे फोन आले. कार्यालयात सकाळी ११.२९ वाजता पहिला फोन आला. त्यानंतर आणखी दोन फोन आले. दुसरा फोन ११.३५ वाजता तर तिसरा फोन हा १२.३२ वाजता आला. हा प्रकार झाल्यावर तेथील कर्मचाऱ्यांनी तातडीने पोलिसांना माहिती दिली.