गांजा बाळगणाऱ्या तिघांना अटक

लाेकमत न्यूज नेटवर्क

कामठी/माैदा : कामठी (जुनी) पाेलिसांनी कामठी-कन्हान मार्गावरील आडापूल परिसरात केलेल्या कारवाईमध्ये गांजा बाळगणाऱ्या दाेघांना तर माैदा पाेलिसांनी तारसा येथे केलेल्या कारवाईमध्ये एकास अटक केली. या दाेन्ही कारवाई गुरुवारी (दि. २४) रात्री करण्यात आल्या.

अटक करण्यात आलेल्या आराेपींमध्ये राहुल

माेहन वरखडे (३१, रा. कामठी काॅलरी, कन्हान, ता. पारशिवनी), कुणाल गौतम नंदेश्वर (२७, रा. संताजीनगर, कन्हान, ता. पारशिवनी) व मदन दाैलत हटवार (४८, रा. तारसा, ता. माैदा) या तिघांचा समावेश आहे. कामठी (जुनी) पाेलिसांचे पथक गस्तीवर असताना त्यांना राहुल

व कुणाल आडापूल परिसरातील सैयद पीरसाद दर्गा मागे गांजा ओढत बसले आल्याचे आढळून आले. त्यामुळे पाेलिसांनी दाेघांनाही अटक करून त्यांच्याकडून गांजा व ते ओढण्याचे साहित्य जप्त केले.

माैदा पाेलिसांनी तारसा येथे धाड टाकत मदन हटवार याच्या घराची झडती घेतली. त्याच्याकडून ११.४८२० ग्राम गांजा आढळून येताच त्याला अटक करून गांजा जप्त केला. या गांजाची किंमत दाेन हजार रुपये असल्याचे पाेलिसांनी सांगितले. या दाेन्ही प्रकरणात कामठी (जुनी) व माैदा पाेलिसांनी एनडीपीएस ॲक्ट अन्वये गुन्हा दाखल करून तपास सुरू केला आहे.