आंतरराष्ट्रीय योग दिन; कस्तूरचंद पार्कवर होणार सामूहिक योग प्रात्यक्षिके
By लोकमत न्यूज नेटवर्क | Published: June 21, 2022 07:00 AM2022-06-21T07:00:00+5:302022-06-21T07:00:17+5:30
Nagpur News आंतरराष्ट्रीय योग दिनानिमित्त २१ जून रोजी कस्तूरचंद पार्कवर सामूहिक कार्यक्रमाचे आयोजन करण्यात आले आहे.
आंतरराष्ट्रीय योग दिन; कस्तूरचंद पार्कवर होणार सामूहिक योग प्रात्यक्षिके
Next नागपूर : आंतरराष्ट्रीय योग दिनानिमित्त २१ जून रोजी कस्तूरचंद पार्कवर सामूहिक कार्यक्रमाचे आयोजन करण्यात आले आहे. त्यासाठी सकाळी ५.३० वाजतापासून विविध कार्यक्रमात व योग प्रात्यक्षिक होणार असून, यात सहभागी होण्याचे आवाहन जिल्हा प्रशासनाने केले आहे.
या कार्यक्रमात पंतप्रधान नरेंद्र मोदी हे म्हैसूर कर्नाटक येथून दूरदृश्य प्रणालीद्वारे सहभागी होणार आहेत. यावेळी ते देशवासीयांशी संवाददेखील साधणार आहेत. नागपूर येथून केंद्रीय मंत्री नितीन गडकरी या कार्यक्रमात प्रत्यक्ष सहभागी होतील. या कार्यक्रमात सहभागी होणाऱ्या नागरिकांसाठी महामेट्रोने नि:शुल्क विशेष मेट्रोसेवा सकाळी ४.४५ वाजता खापरी आणि लोकमान्यनगरपासून कस्तूरचंद पार्कवरील जागतिक योग दिनाच्या कार्यक्रमासाठी राहणार आहे. दूरदर्शनवरही हा कार्यक्रम लाईव्ह दाखविला जाणार आहे.