ट्राॅलीसह ट्रॅक्टर पळविला

खापा : शेतात उभा करून ठेवलेला ट्रॅक्टर व ट्राॅली अज्ञात आराेपीने चाेरून नेला. त्या ट्रॅक्टर व ट्राॅलीची एकूण किंमत ७ लाख ४० हजार रुपये आहे. ही घटना खापा शिवारात नुकतीच घडली.

प्रफुल सुधाकर माेहटे, रा. खापा यांची खापा येथील दंदे देशीभट्टीच्या बाजूला शेती असून, त्यांनी एमएच-४०/बीजे-९२४५ क्रमांकाचा ट्रॅक्टर व विना क्रमांकाची ट्राॅली उभी करून ठेवली हाेती. दरम्यान अज्ञात आराेपीने ट्रॅक्टर व ट्राॅली चाेरून नेली. त्या ट्रॅक्टरची किंमत ५ लाख ९० हजार रुपये आणि ट्रॉलीची किंमत १ लाख ५० हजार रुपये असल्याचे त्यांनी पाेलिसांना सांगितले. याप्रकरणी खापा पाेलिसांनी अज्ञात आराेपीविरुद्ध भादंवि ३७९ अन्वये गुन्हा नाेंदविला असून, पुढील तपास पाेलीस नाईक विजय बारई करीत आहेत.