ट्रॅक्टरची ताेडफाेड, तणस पेटवले

माैदा : शेतातील तणस पेटवून देत घरासमाेरील ट्रॅक्टरची ताेडफाेड करण्यात आली. त्यात ७० हजार रुपयाचे नुकसान झाले. ही घटना माैदा पाेलीस ठाण्याच्या हद्दीतील सुंदरगाव येथे गुरुवारी (दि. ३) रात्री ८ वाजताच्या सुमारास घडली.

व्यंकट राजेश काेगटी (५०, रा. सुंदरगाव, ता. माैदा) यांनी त्यांच्या शेतात गुरांच्या चाऱ्यासाठी तणस साठवून ठेवले हाेते. त्यातच गुरुवारी रात्री त्यांना तणसाच्या ढिगाला आग लागल्याची माहिती फाेनवर देण्यात आली. त्यांनी प्रत्यक्ष पाहणी केली असता, आगीत संपूर्ण तणस जळाल्याचे आढळून आले असून, घरासमाेर उभ्या असलेल्या ट्रॅक्टरची ताेडफाेड केल्याचेही त्यांच्या निदर्शनास आले. त्यामुळे त्यांनी पाेलिसात तक्रार दाखल केली. यात ७० हजार रुपयाचे नुकसान झाल्याची माहिती त्यांनी पाेलिसांना दिली. याप्रकरणी माैदा पाेलिसांनी अज्ञात आराेपीविरुद्ध भादंवि ४३५, ४२७ अन्वये गुन्हा दाखल केला असून, या घटनेचा तपास पाेलीस हवालदार देशमुख करीत आहेत.