पहिल्या शंभरात नागपूरच्या दोन शिक्षण संस्था

केंद्रीय मनुष्यबळ विकास मंत्रालयाच्या ‘नॅशनल इन्स्टिट्यूट रॅकिंग फ्रेमवर्क’ अंतर्गत देशभरातील विद्यापीठ व शैक्षणिक संस्थांचे ‘रँकिंग’ जाहीर करण्यात आले. यात यंदा नागपुरातील शैक्षणिक संस्था माघारल्याचे दिसून आले. ‘व्हीएनआयटी’ (विश्वेश्वरय्या इन्स्टिट्यूट आॅफ टेक्नॉलॉजी) सोडले तर नागपुरातील एकाही संस्थेला पहिल्या ३५ मध्ये ‘रँकिंग’ मिळालेले नाही. ‘व्हीएनआयटी’चा देशात ३१ वा क्रमांक आहे. मागील वर्षी ‘व्हीएनआयटी’ ४२ व्या स्थानावर होते. ‘टॉप’ १०० विद्यापीठांमध्ये राष्ट्रसंत तुकडोजी महाराज नागपूर विद्यापीठाचा कुठेही समावेश नसला तरी विद्यापीठाला प्रथमच पहिल्या दोनशे विद्यापीठांमध्ये ‘रॅकिंग’ मिळाले आहे. विद्यापीठ देशपातळीवर १९६ व्या स्थानावर आहे.

ठळक मुद्देराष्ट्रीय ‘रँकिंग’मध्ये ‘व्हीएनआयटी’ देशात ३१ व्या स्थानावर : नागपूर विद्यापीठ १९६ व्या स्थानी

लोकमत न्यूज नेटवर्क 
नागपूर : केंद्रीय मनुष्यबळ विकास मंत्रालयाच्या ‘नॅशनल इन्स्टिट्यूट रॅकिंग फ्रेमवर्क’ अंतर्गत देशभरातील विद्यापीठ व शैक्षणिक संस्थांचे ‘रँकिंग’ जाहीर करण्यात आले. यात यंदा नागपुरातील शैक्षणिक संस्था माघारल्याचे दिसून आले. ‘व्हीएनआयटी’ (विश्वेश्वरय्या इन्स्टिट्यूट आॅफ टेक्नॉलॉजी) सोडले तर नागपुरातील एकाही संस्थेला पहिल्या ३५ मध्ये ‘रँकिंग’ मिळालेले नाही. ‘व्हीएनआयटी’चा देशात ३१ वा क्रमांक आहे. मागील वर्षी ‘व्हीएनआयटी’ ४२ व्या स्थानावर होते. ‘टॉप’ १०० विद्यापीठांमध्ये राष्ट्रसंत तुकडोजी महाराज नागपूर विद्यापीठाचा कुठेही समावेश नसला तरी विद्यापीठाला प्रथमच पहिल्या दोनशे विद्यापीठांमध्ये ‘रॅकिंग’ मिळाले आहे. विद्यापीठ देशपातळीवर १९६ व्या स्थानावर आहे.
देशातील विद्यापीठांचे तसेच विविध शैक्षणिक संस्थाचे ‘रँकिंग’ ठरविण्यासाठी केंद्रीय मनुष्यबळ विकास मंत्रालयाने प्रस्ताव मागविले होते. देशभरातील विविध विद्यापीठे व महाविद्यालयांनी हे प्रस्ताव जानेवारी महिन्यात सादर केले होते. नागपूर विद्यापीठ तसेच जिल्ह्यातील शैक्षणिक संस्थांचादेखील यात समावेश होता.
सोमवारी जाहीर झालेल्या यादीत नागपुरातील सर्वच संस्था राष्ट्रीय पातळीवर माघारल्याचे दिसून आले. ‘व्हीएनआयटी’चा देशातील सर्वोत्तम अभियांत्रिकी संस्थांमध्ये ३१ वा क्रमांक आहे. इतर एकाही अभियांत्रिकी महाविद्यालयाला पहिल्या १०० मध्ये स्थान मिळविता आलेले नाही. मागील वर्षी अभियांत्रिकी संस्थांच्याच यादीमध्ये ‘आरकेएनईसी’ (रामदेवबाबा कमला नेहरु इंजिनिअरिंग कॉलेज) व जी.एच.रायसोनी अभियांत्रिकी महाविद्यालय यांचा क्रमांक अनुक्रमे ६४ व ६७ वा होता. यंदा हा क्रमांक १३४ व १०९ इतका आहे. यशवंतराव चव्हाण अभियांत्रिकी महाविद्यालय १५० व्या स्थानावर आहे. मध्य भारतातील शैक्षणिक हब म्हणून नागपूर शहर उदयाला येत आहे. अभियांत्रिकी, वैद्यकीय व फार्मसीमधील शैक्षणिक संस्थांची संख्या वाढली असली तरी दर्जा मात्र अद्याप हवा तसा सुधारलेला नाही, हेच या ‘रँकिंग’मधून स्पष्ट होत आहे.
‘फार्मसी’त पहिल्या शंभरात ३ संस्था
देशातील ‘टॉप’ फार्मसी महाविद्यालयांमध्ये नागपूर जिल्ह्यातील कामठी येथील ‘श्रीमती किशोरीताई भोयर कॉलेज आॅफ फार्मसी’ ला ४४ वे ‘रँकिंग’ मिळाले आहे. नागपूर विद्यापीठाच्या पदव्युत्तर फार्मसी विभागाला ७४ वे ‘रॅकिंग’ मिळाले असून गुरुनानक कॉलेज आॅफ फार्मसी ८१ व्या स्थानी आहे.
नागपूर विद्यापीठ शंभरात नाही
‘नॅक’चा ‘अ’ दर्जा मिळविणाऱ्या नागपूर विद्यापीठाला मात्र पहिल्या शंभरात ‘रॅकिंग’ मिळविण्यात यश आलेले नाही. देशपातळीवर विद्यापीठ १९६ व्या स्थानावर आहे. राज्यातील सावित्रीबाई फुले पुणे विद्यापीठ, इन्स्टिट्यूट आॅफ केमिकल टेक्नॉलॉजी, होमी भाभा नॅशनल इन्स्टिट्यूट, टाटा इन्स्टिट्यूट आॅफ सोशल सायन्स, सिम्बॉयसिस इंटरनॅशनल युनिव्हर्सिटी, डी. वाय.पाटील विद्यापीठ, एसव्हीकेएम नरसी मोन्जी इन्स्टिट्यूट आॅफ मॅनेजमेन्ट स्टडीज्, भारती विद्यापीठ, डी.वाय.पाटील एज्युकेशन सोसायटी, यांना या यादीत पहिल्या शंभरात स्थान मिळाले आहे.


शहरातील संस्थांचे ‘रँकिंग’
विद्यापीठ गट                                                   विद्यापीठ रॅकिंग
राष्ट्रसंत तुकडोजी महाराज नागपूर विद्यापीठ             १९६

अभियांत्रिकी गट                                             संस्था रँकिंग
व्हीएनआयटी                                                           ३१
जी.एच.रायसोनी अभियांत्रिकी महाविद्यालय             १०९
रामदेवबाबा अभियांत्रिकी महाविद्यालय                     १३४
नागपूर विद्यापीठ                                                       १४३
यशवंतराव चव्हाण अभियांत्रिकी महाविद्यालय          १५०


फार्मसी गट                                                       संस्था रँकिंग
‘श्रीमती किशोरीताई भोयर कॉलेज आॅफ फार्मसी’      ४४
पदव्युत्तर फार्मसी विभाग, नागपूर विद्यापीठ             ७४
गुरुनानक कॉलेज आॅफ फार्मसी                                ८१


व्यवस्थापन गट                                           संस्था रॅकिंग
इन्स्टिट्यूट आॅफ मॅनेजमेन्ट टेक्नॉलॉजी            ५६