दुचाकीची उभ्या ट्रकला धडक, तिघांचा मृत्यू 

Nagpur News खापा येथून दुचाकीने ट्रिपल सीट  सावनेर कडे येत असताना दुचाकीची रस्त्याच्या कडेल उभ्या असलेल्या ट्रकला धडक लागल्याने दुचाकीवरील चालकासह तिघांचा घटनास्थळी मृत्यू झाला.

ठळक मुद्देकोदेगाव शिवारातील घटना

 लोकमत न्यूज नेटवर्क 
नागपूर : खापा येथून दुचाकीने ट्रिपल सीट  सावनेर कडे येत असताना दुचाकीची रस्त्याच्या कडेल उभ्या असलेल्या ट्रकला धडक लागल्याने दुचाकीवरील चालकासह तिघांचा घटनास्थळी मृत्यू झाला.  ही घटना कोदेगाव शिवारात दि.16 च्या मध्यरात्री साडेबारा वाजताच्या सुमारास घडली. राहुल भिमराव शेंडे (21), आयुष संजय चंकापुरे (18) व आदित्य अंबादास गजभिये (18) सर्व रा. जोगा आग्रा अशी मृतांची नावे आहेत.

 मिळालेल्या माहितीनुसार दिनांक 16 रोजी रात्री साडेबाराच्या सुमारास खापा येथून पल्सर दुचाकी क्रमांक एम एच 31  डी.एक्स 1301 ने चालक राहुल भिमराव शेंडे हा इतर दोन मित्रा आयुष  व आदित्यसह ट्रिपल सीट खापा येथून सावनेर कडे जात असताना कोदेगाव शिवारात रात्री साडे बारा वाजताच्या सुमारास उभ्या टिप्पर एम एच 40 ,बी एल 9969 मागून धडक दिली. या अपघातात तिघे गंभीर जखमी झाले. घटनास्थळीच मृत्यू झाला सदर प्रकरणी फिर्यादी आकाश मोहन बांबोडे (22) रा.आग्रा तालुका- नरखेड यांच्या तक्रारिवरून पोलीस स्टेशन खापा येथे आरोपी सिताराम श्रीराम निहारे (42) राहणार मनसर या ट्रक चालकाविरुद्ध कलम ,283 304 (अ,)भादवि गुन्हा नोंदवून  अटक करण्यात आली आहे. पुढिल तपास ठाणेदार अजय मानकर व पीएसआय गणेश झांबरे करीत आहे.