अपघातात दुचाकीस्वार ठार

लाेकमत न्यूज नेटवर्क

कन्हान : भरधाव माेटरसायकलने राेडलगत जाणाऱ्या घाेड्याला जाेरात धडक दिली. दुचाकीस्वार दुचाकीसह खाली काेसळला. त्यात गंभीर जखमी झालेल्या दुचाकीस्वाराचा उपचारादरम्यान मृत्यू झाला. ही घटना कन्हान (ता. पारशिवनी) पाेलीस ठाण्याच्या हद्दीतील कन्हान-कामठी मार्गावरील कन्हान नदीच्या पुलाजवळ रविवारी (दि. १४) रात्री ९ वाजताच्या सुमारास घडली.

अभिषेक ऊर्फ विक्की प्रसाद (२१, रा. फुकटनगर, कांद्री, कन्हान, ता. पारशिवनी) असे मृत तरुणाचे नाव आहे. अभिषेक एमएच-३१/केआर-६५६४ क्रमांकाच्या माेटरसायकलने एकटाच कामठीहून कन्हानला येत हाेता. त्याचवेळी एक व्यक्ती त्याचा घाेडा घेऊन पायी कामठीहून कन्हानकडे येत हाेता. हा घाेडा कन्हान नदीवरील पुलाजवळ येताच समाेर असलेला घाेडा अंधारात व्यवस्थित न दिसल्याने अभिषेकच्या माेटरसायकलची त्या घाेड्याला जाेरात धडक लागली.

यात घाेडा जखमी झाला असून, मालक ताे घाेडा घेऊन लगेच निघून गेला. मात्र, अभिषेक माेटरसायकलसह बराच वेळ घटनास्थळी पडून राहिला. त्यामुळे या मार्गावरील वाहतूक ठप्प झाली हाेती. या घटनेची माहिती मिळताच पाेलिसांनी घटनास्थळ गाठले आणि अभिषेकला लगेच कामठी येथील उपजिल्हा रुग्णालयात नेले. शिवाय, पाेलिसांनी या मार्गावरील वाहतूक सुरळीत केली. हा घाेडा नेमका कुणाचा हाेता, याची माहिती पाेलिसांनाही नव्हती. उपजिल्हा रुग्णालयात उपचाराला सुरुवात करताच अभिषेकचा काही वेळातच मृत्यू झाला. याप्रकरणी कन्हान पाेलिसांनी गुन्हा नाेंदवून तपास सुरू केला आहे.