अज्ञात वाहनाच्या धडकेत दुचाकीचालक ठार

रामटेक : भरधाव अज्ञात वाहनाने दुचाकीला विरुद्ध दिशेने येणाऱ्या अज्ञात वाहनाने जाेरात धडक दिली. त्यात गंभीर दुखापत झाल्याने दुचाकीचालकाचा घटनास्थळीच मृत्यू झाला. ही घटना रामटेक पाेलीस ठाण्याच्या हद्दीतील रामटेक-तुमसर मार्गावरील खिंडसी जलाशय परिसरातील शिरपूर शिवारात गुरुवारी (दि. २९) सायंकाळी ५.१५ वाजताच्या सुमारास घडली.

संजय रामचंद्र चाैरसिया (५०, रा. कामठी) असे मृताचे नाव आहे. ते माेटरसायकलने (एमएच-४०/बीएन-९६१६) रामटेकहून अराेली (ता. माैदा) येथे कुरियर पाेहाेचविण्यासाठी जात हाेते. दरम्यान, शिरपूर शिवारात विरुद्ध दिशेने वेगात आलेल्या वाहनाने त्यांच्या दुचाकीला जाेरात धडक दिली. त्यात गंभीर दुखापत झाल्याने त्यांचा घटनास्थळीच मृत्यू झाला. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी रामटेक येथील उपजिल्हा रुग्णालयात आणला. शिवाय, वाहनचालक वाहनासह लगेच पळून गेला. त्या वाहनात बकऱ्या वाहून नेल्या जात असल्याची माहिती काही प्रत्यक्षदर्शींनी दिली. याप्रकरणी रामटेक पाेलिसांनी अज्ञात वाहनचालकाविरुद्ध भादंवि २७९, ३०४ (अ) अन्वये गुन्हा दाखल केला असून, या घटनेचा तपास पाेलीस उपनिरीक्षक प्रमाेद राऊत करीत आहेत.