वाहनाच्या धडकेत दुचाकीस्वाराचा मृत्यू

बुटीबाेरी : अज्ञात भरधाव वाहनचालकाने दुचाकीला जाेरात धडक दिली. त्यात गंभीर जखमी झालेल्या दुचाकीस्वाराचा उपचारादरम्यान मृत्यू झाला. ही घटना बुटीबाेरी पाेलीस ठाण्याच्या हद्दीतील माेहगाव शिवारात शुक्रवारी (दि.२०) दुपारी २.३० वाजताच्या सुमारास घडली.

चंद्रमणी शंकर मडावी (४५, रा. डाेंगरगाव घुटी, ता. हिंगणा) असे मृताचे नाव आहे. चंद्रमणी मडावी हे एमएच-४०/एसआर-८६३६ क्रमांकाच्या दुचाकीने बुटीबाेरी येथून घराकडे जात हाेते. दरम्यान, माेहगाव शिवारात अज्ञात भरधाव वाहनचालकाने त्यांच्या दुचाकीला जाेरात धडक दिली. त्यात त्यांना गंभीररीत्या दुखापत झाली. लगेच त्यांना खासगी दवाखान्यात भरती करण्यात आले. तिथे उपचारादरम्यान त्यांचा मृत्यू झाला. याप्रकरणी सुनीता चंद्रमणी मडावी (४०, रा. डाेंगरगाव घुटी, ता. हिंगणा) यांच्या तक्रारीवरून आराेपी वाहनचालकाविरुद्ध भादंवि कलम २७९, ३०४ (अ) अन्वये गुन्हा नाेंदविला आहे. या गुन्ह्याचा पुढील तपास सहायक पाेलीस निरीक्षक साखरकर करीत आहेत.