दुचाकी स्लीप, चालकाचा मृत्यू

काटाेल : वेगात असलेली माेटरसायकल गतिराेधकावरून उसळल्याने दुचाकीस्वार खाली काेसळले आणि गंभीर जखमी झाले. यात एकाचा मृत्यू झाला. ही घटना काटाेल शहरातील पेठ बुधवार भागात नुकतीच घडली.

मुकेश रमेश बरासे (२७, रा. अण्णा भाऊ साठेनगर, काटाेल) असे मृताचे नाव असून, वीरू दमे, रा. काटाेल असे जखमीचे नाव आहे. दाेघेही एमएच-४०/बीएम-७१४९ क्रमांकाच्या माेटरसायकलने पेठ बुधवार भागात जात हाेते. या भागातील हनुमान मंदिराजवळ असलेल्या गतिराेधकावरून माेटरसायकल उसळली व ती स्लीप झाल्याने दाेघेही माेटरसायकलसह खाली काेसळले. यात दाेघांच्याही डाेक्याला गंभीर दुखापत झाली. त्यांना लगेच काटाेल शहरातील ग्रामीण रुग्णालयात नेण्यात आले. तिथे प्रथमाेपचार केल्यानंतर दाेघांनाही नागपूर येथील मेडिकल हाॅस्पिटलमध्ये भरती करण्यात आले. तिथे मुकेश बरासे याचा उपचारादरम्यान मृत्यू झाला. याप्रकरणी काटाेल पाेलिसांनी भादंवि २७९, ३३८, ३०४ (अ) अन्वये गुन्हा दाखल केला असून, या घटनेचा तपास पाेलीस उपनिरीक्षक लभाने करीत आहेत.