वीज पडून दोन महिलांचा मृत्यू

शेतात काम करीत असताना वीज पडल्याने दोन महिलांचा मृत्यू झाला तर सातजण जखमी झाले.

देवलापार : शेतात काम करीत असताना वीज पडल्याने दोन महिलांचा मृत्यू झाला तर सातजण जखमी झाले. यामध्ये पाच महिलांचा समावेश आहे. यापैकी दोघींची प्रकृती चिंताजनक आहे. वीज पडल्याची ही घटना शुक्रवारी दुपारी २ वाजताच्या सुमारास रय्यतवाडी येथे घडली. जखमींना तत्काळ मेडिकल आणि नंतर मेयो हॉस्पिटलमध्ये भरती करण्यात आले. मृत आणि जखमी हे सर्व मजूर आहेत. पुष्पा राखीचंद वरठी (१९), दशवंती गणेश इनवाती (४२) अशी मृत महिलांची, रत्तो हरीचंद वरठी (४५), कला रामदास टेकाम (३५) अशी गंभीर जखमी झालेल्यांची तर अन्य जखमींमध्ये कलावती गणेश इनवाते (२०), अरविंद बंडू इनवाते (१९), मृत पुष्पाची आई शीला राखीचंद वरठी (४२), परसराम रायशी इनवाते (५५), विमला शालिक पारखी (५५) सर्व रा. यांचा समावेश आहे.
ते सर्व रय्यतवाडीलगतच्या शेतात काम करीत होते. अचानक वीज कोसळली आणि त्यात दोघींचा जागीच मृत्यू झाला. तर दोन पुरुषासह पाच महिला जखमी झाल्या. त्यांना लगेच मेडिकलमध्ये हलविण्यात आले. जखमींपैकी दोन महिलांची प्रकृती चिंताजनक असून त्यांना मेडिकलमधून मेयो हॉस्पिटलमध्ये भरती केले.
या घटनेमुळे रय्यतवाडी येथे शोककळा पसरली आहे. याप्रकरणी देवलापार पोलिसांनी नोंद केली आहे. (प्रतिनिधी)