आठवर्षीय बालकासाेबत अनैसर्गिक कृत्य

लाेकमत न्यूज नेटवर्क

कामठी : शेजारी राहणाऱ्या आठवर्षीय बालकास माेबाईल दाखविण्याचे आमिष दाखवून त्याच्यावर अनैसर्गिक कृत्य केल्याची घटना कामठी (नवीन) पाेलीस ठाण्याच्या हद्दीतील अजनी येथे घडली असून, शुक्रवारी (दि. ९) सकाळी पाेलिसात तक्रार दाखल केली. यातील आराेपीस अटक करण्यात आल्याची माहिती पाेलिसांनी दिली.

अभय विजय पाटील (२०, रा. शिवनगर, अजनी, ता. कामठी) असे अटकेतील आराेपीचे नाव आहे. त्याने गुरुवार (दि. ८) सायंकाळी ५ वाजताच्या सुमारास, त्याच्या घराशेजारी राहणाऱ्या आठवर्षीय बालकाला माेबाईल दाखविण्याचे आमिष दाखवून घरी कोणीही नसताना बाेलावले. तो आत येताच दार आतून बंद करून त्याने त्या बालकासाेबत अनैसर्गिक कृत्य केले. बालकाने घरी गेल्यावर संपूर्ण प्रकार आई-वडिलांना सांगितला. त्यांनी शुक्रवारी पाेलिसात तक्रार दाखल केली. याप्रकरणी कामठी (नवीन) पाेलिसांनी भादंवि ३७७ अन्वये गुन्हा दाखल करून आराेपी अभयला अटक केली. या घटनेचा तपास पोलीस उपनिरीक्षक विजय कार्वेकर करीत आहेत.