वडिलांच्या मृत्यूची वार्ता कळताच रविना ताडोबातून तातडीने निघाली

Nagpur News प्रसिद्ध अभिनेत्री रवीना टंडन यांना जेव्हा त्यांचे वडील निर्माते- निर्देशक रवी टंडन यांच्या मृत्यूची माहिती मिळाली, तेव्हा ती चंद्रपूर येथील ताडोबा व्याघ्र प्रकल्पात होती. माहिती मिळताच ती लगेच विमानाने मुंबईला रवाना झाली.

ठळक मुद्देविजय दर्डा यांनी विमानतळावर भेटून केले सांत्वन

नागपूर : प्रसिद्ध अभिनेत्री रवीना टंडन यांना जेव्हा त्यांचे वडील निर्माते- निर्देशक रवी टंडन यांच्या मृत्यूची माहिती मिळाली, तेव्हा ती चंद्रपूर येथील ताडोबा व्याघ्र प्रकल्पात होती. माहिती मिळताच ती लगेच नागपूरला पोहोचली आणि सकाळी १०.३५ च्या विमानाने मुंबईला रवाना झाली. यावेळी त्यांची मुलगी सुद्धा सोबत होती. दरम्यान नागपूर विमानतळावर लोकमत एडीटोरियल बोर्डाचे चेअरमन माजी खासदार विजय दर्डा यांनी त्यांची भेट घेऊन त्यांना सांत्वना दिली. यावेळी दर्डा म्हणाले, “आज आम्ही एका उत्तम चित्रपट निर्मात्याला गमावले आहे. ईश्वर त्यांच्या कुटुंबाला हे दु:ख सहन करण्याची शक्ती देवो”