२८ जलकुंभावरून उद्या पाणीपुरवठा बंद

लोकमत न्यूज नेटवर्क

नागपूर : महापालिका व ऑरेंज सिटी वॉटर यांनी कन्हान जलशुद्धीकरण केंद्रावरून शहराकडे येणाऱ्या १३०० आणि ९०० मीटर व्यासाच्या मुख्य जलवाहिनीवरील उद्भवलेल्या चार गळत्यांची दुरुस्ती तसेच जलशुद्धीकरण केंद्र येथील महत्वाची कामे करण्यासाठी उद्या गुरुवारी सकाळी १० ते शुक्रवार दुपारी २ पर्यंत दरम्यान २४ तासांचे शटडाऊन घेण्याचे ठरविले आहे. या दरम्यान लकडगंज, सतरंजीपुरा, नेहरू नगर व आशीनगर झोनमधील २८ जलकुंभांचा पाणीपुरवठा बंद राहणार आहे. तसेच २५ जूनला कमी दाबाचा पाणी पुरवठा होईल.

या जलकुंभांचा पाणीपुरवठा बाधित राहील

आशीनगर झोन : बेझनबाग जलकुंभ, बिनाकी एक्झिटिंग, बिनाकी १ व २, इंदोरा १ व २, गमदूर डायरेक्ट टॅपिंग, आकाशवाणी डायरेक्ट टॅपिंग, जसवंत टॉकीज डायरेक्ट टॅपिंग

सतरंजीपुरा झोन : बस्तरवारी १, २ अ व २ब, शांतिनगर जलकुंभ, वांजरी (विनोबा भावे नगर), इटाभट्टी डायरेक्ट टॅपिंग

नेहरू नगर झोन : नंदनवन (जुने) जलकुंभ, नंदनवन १ व २, सक्करदरा १, २ व ३, ताजबाग व खरबी जलकुंभ

लकडगंज झोन : भांडेवाडी, देशपांडे ले-आऊट (भरतवाडा), लकडगंज, मिनिमाता नगर, सुभान नगर, कळमना, व पारडी १ व २ जलकुंभ

या दरम्यान टँकरद्वारेही पाणीपुरवठा होऊ शकणार नसल्याने, नागरिकांनी पुरेसा पाणीसाठा करून सहकार्य करावे. असे आवाहन मनपा व ओसीडब्ल्यू यांनी केले आहे.