नितीन गडकरी यांचे नागपूर विमानतळावर हर्षोल्हासात स्वागत

देशाचे केंद्रीय सडक, परिवहन, राजमार्ग व सूक्ष्म, लघु व मध्यम उद्योग मंत्री नितीन गडकरी यांचे शनिवारी सकाळी ९ च्या सुमारास नागपूर विमानतळावर शेकडो कार्यकर्ते व नागरिकांनी भव्य स्वागत केले.

ठळक मुद्देमंत्रीपदाची शपथ घेतल्यानंतर नागपुरात आगमन

लोकमत न्यूज नेटवर्क
नागपूर: देशाचे केंद्रीय सडक, परिवहन, राजमार्ग व सूक्ष्म, लघु व मध्यम उद्योग मंत्री नितीन गडकरी यांचे शनिवारी सकाळी ९ च्या सुमारास नागपूर विमानतळावर शेकडो कार्यकर्ते व नागरिकांनी भव्य स्वागत केले. ३० मे रोजी मंत्रीपदाची शपथ घेतल्यानंतर त्यांच्याकडे ३१ रोजी केंद्रीय सडक, परिवहन, राजमार्ग तसेच सूक्ष्म, लघु व मध्यम उद्योगाची खाती सोपवण्यात आली होती. शपथ घेतल्यानंतर ते प्रथमच नागपुरात दाखल होत आहेत.
यावेळी विमानतळावर भाजप, रा.स्व. संघासह अनेक कार्यकर्ते, महापौर, सामाजिक क्षेत्रातील पुढारी व अन्य मान्यवर उपस्थित होते.
नितीन गडकरी यांचा सत्कार समारंभ शनिवारी संध्याकाळी नागपुरात आयोजित केला आहे.