रनाळा येथे महिलांचा गाैरव

कामठी : रनाळा (ता. कामठी) ग्रामपंचायत कार्यालयात आयाेजित करण्यात आलेल्या कार्यक्रमात महिलांचा गाैरव करण्यात आला. यात ब्रह्माकुमारी विश्वविद्यालयाच्या संयोजिका राजयोगिनी ब्राह्मकुमारी प्रेमलता दीदी यांनी उपस्थितांना मार्गदर्शन केले.

याप्रसंगी प्रमुख अतिथी म्हणून पंचायत समितीच्या माजी उपसभापती विमल साबळे, सरपंच सुवर्णा साबळे, येरखेडाच्या सरपंच मंगला कारेमोरे, चंदा माकडे, आरती कुलरकर उपस्थित होते. सरपंच सुवर्णा साबळे यांच्या हस्ते ब्रह्मकुमारी प्रेमलता दीदी, मंगला कारेमोरे, जिल्हा परिषद शाळेतील शिक्षक, विविध क्षेत्रांत उल्लेखनीय कार्य करणाऱ्या महिलांचा शाल, श्रीफळ, स्मृतिचिन्ह, पुष्पगुच्छ देऊन गौरव करण्यात आला. संचालन सपना गावंडे यांनी केले, तर अर्चना सपाटे यांनी आभार मानले. कार्यक्रमाला ग्रामपंचायत सदस्य स्विटी गणेर, मंगला ठाकरे, अंकिता तळेकर, इशरत जहाॅ, सरिता भोयर, वनिता नाटकर, जयश्री धिवले, मंगला पाचे, पौर्णिमा बर्वे, वंदना बसणे यांच्यासह अनेक महिलांनी हजेरी लावली हाेती.