तरुणास बेदम मारहाण

लाेकमत न्यूज नेटवर्क

वाडी : सर्वजनिक ठिकाणी दारू पित बसलेल्यांना हटकले असताच सात जणांनी तरुणास लाथाबुक्क्यांनी बेदम मारहाण केली. एवढेच नव्हे तर त्याला जीवे मारण्याची धमकीही दिली. या मारहाणीत त्या तरुणाची साेनसाखळी गहाळ झाली. ही घटना वाडी शहरात रविवारी (दि. २४) सकाळी ११ वाजताच्या सुमारास घडली.

करण रामदुलारे पाल (३२, रा. स्नेहनगर, नागपूर) असे जखमी तरुणाचे नाव आहे. करणचे ज्ञानेश्वर लेआउट, दत्तवाडी येथे इलेक्ट्राॅनिक दुकान आहे. या दुकानाच्या बाजूला बांधकाम सुरू असून, तिथे चार तरुण कारने तर तिघे माेटारसायकलने तिथे आले. हे सातही जण २० ते २५ वर्षे वयाेगटांतील असून, त्यांनी तिथे दारू प्यायला सुरुवात केली. त्यामुळे करणने त्यांना हटकले. त्यामुळे त्या सर्वांनी शिवीगाळ करीत करणला लाथाबुक्क्यांनी मारहाण करायला सुरुवात केली. यात एकाने त्याच्या खंद्यावर लाेखंडी हाताेड्याने वार केल्याने ताे गंभीर जखमी झाला.

बांधकामावरील प्रतीक देठे नामक कामगार करणच्या मदतीला धावल्याने ताे बचावला. या मारहाणीत करणची दाेन ताेळे वजनाची साेन्याची चेन गहाळ झाल्याचे तसेच आराेपींची नावे चारू, बिंगाे अशी असल्याचे त्याने पाेलीस तक्रारीत नमूद केले आहे. त्याच्यावर नागपूर शहरातील हाॅस्पिटलमध्ये उपचार करण्यात आले. याप्रकरणी वाडी पाेलिसांनी भादंवि १४३, १४७, १४९, ३२४, ५०४, ५०६ (ब) अन्वये गुन्हा दाखल केला असून, या घटनेचा तपास वाडी पाेलीस करीत आहेत. वृत्त लिहिस्ताेवर आराेपींना अटक करण्यात आली नव्हती.