दुचाकी अपघातात तरुणाचा मृत्यू

जलालखेडा : भरधाव दुचाकी स्लिप झाल्याने गंभीर जखमी हाेऊन दुचाकीस्वार तरुणाचा मृत्यू झाला तर अन्य एक जखमी झाला. ही घटना जलालखेडा पाेलीस ठाण्याच्या हद्दीतील नारसिंगी शिवारात साेमवारी (दि.२८) सायंकाळी ४.३० वाजताच्या सुमारास घडली.

श्रीकांत रतनलाल पराेडभा (३५, रा. कळमेश्वर) असे मृत तरुणाचे नाव असून, हेमंत गजानन माहुरीया (३६, रा. कळमेश्वर) असे जखमीचे नाव आहे. श्रीकांत व हेमंत हे दाेघेही एमएच-४०/बीएक्स-०१२७ क्रमांकाच्या दुचाकीने जामगाव फाटा येथे जात हाेते. दरम्यान, नारसिंगी शिवारात भरधाव दुचाकी स्लिप झाल्याने राेडवर पडून दाेघेही जखमी झाले. जखमींना काटाेल येथील ग्रामीण रुग्णालयात दाखल करण्यात आले. तिथे तपासणीअंती डाॅक्टरांनी श्रीकांतला मृत घाेषित केले. याप्रकरणी विनाेद बाबूलाल खरपुरिया (३२, रा. मायवाडी, ता. नरखेड) यांच्या तक्रारीवरून जलालखेडा पाेलिसांनी गुन्हा नाेंदविला असून, पुढील तपास सहायक फाैजदार अनिल जाेशी करीत आहेत.