दुचाकी अपघातात तरुणाचा मृत्यू

बुटीबाेरी : चालकाचा ताबा सुटल्याने अनियंत्रित झालेली भरधाव दुचाकी रस्ता दुभाजकावर धडकली. त्यात गंभीर जखमी झाल्याने दुचाकीस्वार तरुणाचा उपचारादरम्यान मृत्यू झाला. ही घटना बुटीबाेरी पाेलीस ठाण्याच्या हद्दीतील वाठाेडा परिसरात ११ ऑगस्टला घडली.

नितेश वामन सरपाते (२७, रा. राेधिता नागभीड, जि. चंद्रपूर) असे मृत तरुणाचे नाव आहे. नितेश हा एमएच-४०/बीएच-१०२३ क्रमांकाच्या दुचाकीने त्याचा मित्र साहील चाफेकर याच्यासह बुटीबाेरी येथून साेनेगाव येथे जात हाेता. दरम्यान वाठाेडा पाणी फिल्टर परिसरात समाेरील वाहनाला ओव्हरटेक करताना दुचाकीचालक नितेशचा ताबा सुटल्याने भरधाव दुचाकी रस्ता दुभाजकावर आदळली. त्यात त्याच्या डाेक्याला गंभीर दुखापत झाली. लगेच त्याला नागपूर मेडिकल रुग्णालयात दाखल करण्यात आले. तिथे उपचारादरम्यान साेमवारी (दि.१६) त्याचा मृत्यू झाला. याप्रकरणी मेडिकल पाेलीस बूथच्या सूचनेवरून बुटीबाेरी पाेलिसांनी गुन्हा नाेंदविला असून, पुढील तपास सहायक पाेलीस निरीक्षक सतीश साेनटक्के करीत आहेत.