प्राणघातक हल्ल्यात तरुण जखमी

काटोल : दाेघांमध्ये सुरू असलेला वाद बघण्यासाठी गेलेल्या तरुणावर आराेपीने हल्ला करीत त्यास जखमी केले. ही घटना काटाेल शहरातील शनी चाैक मातंगपुरा येथे ५ सप्टेंबरला घडली.

मुकेश संजय संतापे (वय १९, रा. शनी चाैक मातंगपुरा, काटाेल) असे जखमी तरुणाचे नाव असून, यश ऊर्फ याेगेश शिवाजी अडागळे (रा. शनी चाैक मातंगपुरा, काटाेल) असे आराेपीचे नाव आहे. मुकेशचा भाऊ दादू संतापे व चंचल अडागळे यांचा आपसात वाद सुरू असल्याने ताे बघण्यासाठी गेला असता, आराेपीने त्याला ‘तू इथे काय बघत आहे’ असे म्हणत वाद घातला व त्याच्यावर हल्ला केला. शिवाय हातबुक्कीने मारहाण करीत मुकेशला जखमी केले. लगेच त्याला ग्रामीण रुग्णालयात दाखल केले. तिथे प्राथमिक उपचारांनंतर डाॅक्टरांनी त्याला पुढील उपचारांसाठी नागपूर येथील मेयाे हाॅस्पिटल येथे रवाना केले. याप्रकरणी काटाेल पाेलिसांनी आराेपीविरुद्ध भादंवि कलम ३२५, ५०६ अन्वये गुन्हा नाेंदविला असून, या गुन्ह्याचा पुढील तपास पाेलीस हवालदार दलाल करीत आहेत.