दुचाकींच्या धडकेत तरुणाचा मृत्यू

उमरेड : दुचाकींच्या घडकेत गंभीर जखमी झालेल्या दुचाकीचालक तरुणाचा उपचारादरम्यान मृत्यू झाला. ही घटना उमरेड पाेलीस ठाण्याच्या हद्दीतील नरसाळा शिवारात नुकतीच घडली.

रवींद्र प्रभाकर ठाकरे (३३, रा. कळमना) असे मृताचे नाव आहे. ताे एमएच-४०/बीझेड-९३६७ क्रमांकाच्या माेटरसायकलने कळमन्याहून उमरेडला जात हाेता. दरम्यान, नरसाळा शिवारात स्वप्निल बाबाराव ठाकरे (३५, रा. कळमना) याने त्याच्या दुचाकीने रवींद्रच्या माेटरसायकलला जाेरात धडक दिली. त्यात रवींद्र गंभीर जखमी झाला. माहिती मिळताच पाेलिसांनी घटनास्थळ गाठून त्याला उमरेड येथील ग्रामीण रुग्णालयात आणले. तिथे प्रथमाेपचार केल्यानंतर नागपूर येथील मेडिकल हाॅस्पिटलमध्ये भरती करण्यात आले. तिथे त्याचा उपचारादरम्यान मृत्यू झाला. याप्रकरणी उमरेड पाेलिसांनी स्वप्निल ठाकरेविरुद्ध भादंवि २७९, ३०४ (अ) अन्वये गुन्हा दाखल केला असून, या घटनेचा तपास सहायक पाेलीस निरीक्षक शीतल खाेब्रागडे करीत आहेत.