इमारतीवरून पडून तरुण कामगाराचा मृत्यू

कामठी : निर्माणाधीन इमारतीच्या पहिल्या माळ्यावरून पडून गंभीर जखमी झालेल्या तरुण कामगाराचा उपचारादरम्यान मृत्यू झाला. ही घटना जुनी कामठी पाेलीस ठाण्याच्या हद्दीतील माेंढा येथे साेमवारी (दि. १) सायंकाळी ६.३० वाजताच्या सुमारास घडली.

रिजवान अहमद जमील अहमद (३०, रा. न्यू येरखेडा, कामठी) असे मृत कामगाराचे नाव आहे. माेंढा परिसरात मनाेज यादव यांच्या घराचे बांधकाम सुरू आहे. या बांधकामावर रिजवान अहमद हा लाकडी सेंट्रिंग बांधण्याचे काम करीत असताना अचानक पाय स्लिप हाेऊन ताे खाली काेसळला. त्यात रिजवानला गंभीररीत्या दुखापत झाली. लागलीच त्याला कामठी येथील खासगी दवाखान्यात भरती करण्यात आले. तेथे उपचारादरम्यान मंगळवारी सकाळच्या सुमारास रिजवानचा मृत्यू झाला. या प्रकरणी जुनी कामठी पाेलिसांनी अकस्मात मृत्यूची नाेंद केली असून, पुढील तपास पाेलीस हवालदार दिलीप ढगे करीत आहेत.