एका ॲपेत बसले १२ जण, ट्रकच्या धडकेत पाच जणांचा मृत्यू; नांदेडमधील घटना
By ऑनलाइन लोकमत | Published: March 31, 2023 08:17 AM2023-03-31T08:17:21+5:302023-03-31T08:18:22+5:30
मुदखेड येथून १०-१२ प्रवासी गुरुवारी ॲपे ऑटोरिक्षाने नांदेडला जात होते.
एका ॲपेत बसले १२ जण, ट्रकच्या धडकेत पाच जणांचा मृत्यू; नांदेडमधील घटना
Next मुदखेड (जि. नांदेड) : ट्रक आणि ऑटोरिक्षाची जोराची धडक होऊन झालेल्या भीषण अपघातात पाच जण ठार, तर सात जण जखमी झाले आहेत. नांदेड-मुदखेड रस्त्यावर मुगटजवळील पेट्रोल पंपासमोर गुरुवारी सकाळी हा अपघात झाला. मृतांमध्ये तीन महिलांसह एका सात महिन्यांच्या बालकाचा समावेश आहे. जखमींवर नांदेड येथील शासकीय रुग्णालयात उपचार सुरू आहेत.
मुदखेड येथून १०-१२ प्रवासी गुरुवारी ॲपे ऑटोरिक्षाने नांदेडला जात होते. मुगट परिसरातील एका पेट्रोल पंपाजवळ समोरून येणाऱ्या ट्रकने ऑटोरिक्षाला जोरदार धडक दिली. या अपघातात ऑटोरिक्षा पलटी झाला. ऑटोरिक्षातील काही जण ट्रकच्या चाकाखाली तर काही ऑटोमध्येच जबर मार लागल्याने गंभीर जखमी झाले. गालीअम्मा कल्याण भोई (२४), वेजल कल्याण भोई (७ महिने), पुंडलिक बळीराम कोल्हाटकर (७०), ज्योती रमेश भोई (३२) या चौघांचा जागीच मृत्यू झाला. तर विद्या संदेश हटकर (३७) या महिलेचा उपचारादरम्यान मृत्यू झाला आहे.