घरफोडी करताना आरोपीला पकडले

जिल्ह्यात दोन दुचाकी चोरीला

जिल्ह्यात बिलोली आणि भोकर पोलीस ठाण्याच्या हद्दीतून चोरट्याने दोन दुचाकी लांबविल्या. साहेबराव सय्याराम वाघमारे यांनी एपी २५, एबी ५०६४ या क्रमांकाची दुचाकी बिलोली येथील सम्राट बारच्या बाहेर उभी केली होती. तर भोकर येथील गंदेवार कॉलनीतून बापूराव नागोराव गेडाम यांची एमएच २६, एएक्स ३१४६ या क्रमांकाची दुचाकी चोरट्याने लांबविली. याप्रकरणात दोन्ही पोलीस ठाण्यात गुन्हे नोंदविण्यात आला आहे.

दुकानात लावलेला एसी लांबविला

शहरातील आयटीआय चौकात असलेल्या एका मोबाइल शॉपीचा बाहेरुन स्टॅडवर लावलेला एसी चोरट्याने लांबविला. ही घटना ७ एप्रिल रोजी घडली. रितेश लक्ष्मीकांत व्यवहारे यांच्या स्काय लाईन कम्युनिकेशन दुकानात बाहेरुन लावलेला ४० हजार रुपयांचा एसी लांबविला. याप्रकरणात शिवाजीनगर पोलीस ठाण्यात गुन्हा नोंदविण्यात आला आहे.

मारहाणीमुळे महिलेचा झाला गर्भपात

किनवट तालुक्यातील हमाल कॉलनी येथे विवाहितेला मारहाण करण्यात आली. त्यामुळे झालेल्या रक्तस्त्रावानंतर महिलेचा गर्भपात झाला. ही घटना ४ एप्रिल रोजी घडली. या प्रकरणात किनवट पोलीस ठाण्यात गुन्हा नोंदविण्यात आला आहे.

पीडित विवाहिता गर्भवती असताना पती आणि सासूने तुला बोलता येत नाही. आमचे नशीब फुटले. तुझ्या आईवडिलांनी आमची फसवणूक केली निघून जा असे म्हणून पीडितेला त्रास दिला. त्यानंतर पीडितेला मारहाण करण्यात आली. मारहाणीमुळे पीडितेचा गर्भपात झाला. या प्रकरणात शेख रहिम शेख अकबर, नाजियाबी शेख अकबर यांच्या विरोधात गुन्हा नोंदविण्यात आला आहे. या प्रकरणाचा तपास सपोनि भोळे हे करीत आहेत.

दोन ठिकाणी धाडी, पाच हजारांची दारू जप्त

पोलिसांनी उस्माननगर आणि शिवाजीनगर पोलीस ठाण्याच्या हद्दीत दोन ठिकाणी धाडी मारून पाच हजार रुपयांची दारू जप्त केली आहे. लोहा तालुक्यातील कलंबर बु. येथे साडेतीन हजार रुपयांची देशी आणि विदेशी दारू जप्त करण्यात आली. शहरात राजनगर पाटीजवळ १३०० रुपयांची दारू पकडली. या प्रकरणात दोन्ही पोलीस ठाण्यात गुन्हा नोंदविण्यात आला आहे.