उसने पैसे परत मागितल्याने हल्ला

शिवनगरात घरफोडी, ९० हजारांचा ऐवज लंपास

नांदेड- शहरातील शिवनगर येथील नुरी चौकात घरी कोणी नसल्याची संधी साधून चोरट्यांनी ९० हजारांचा ऐवज लंपास केला. नुरी चौकातील समरीन बेगम शकील खान या आपल्या भावाच्या घरी गेल्या होत्या. चोरट्यांनी संधी साधून घराचे कुलूप तोडून सोमवारी रात्री ९० हजार रुपयांचा ऐवज लंपास केला. विमानतळ ठाण्यात गुन्हा दाखल केला आहे.

इम्रान कॉलनीतून दुचाकी लंपास

नांदेड - जुन्या नांदेडातील देगलूरनाका भागातील इम्रान कॉलनी येथे घरासमोर उभी केलेली (एमएच २६- ए.एम- ७४११) क्रमांकाची दुचाकी चोरट्यांनी सोमवारी रात्री चोरून नेली. मोहमद मोईन यांनी याप्रकरणी तक्रार दिली. इतवारा ठाण्यात गुन्हा दाखल केला आहे.

महिलेची गळफास घेऊन आत्महत्या

नांदेड- धर्माबाद तालुक्यातील पाटोदा बु. येथे महादेवी लक्ष्मण मोताचे (वय २३) या महिलेने मंगळवारी गळफास घेऊन आत्महत्या केली. या आत्महत्येचे कारण अद्याप समजू शकले नाही. याप्रकरणी इरवंत इळेगावे यांनी दिलेल्या माहितीवरून धर्माबाद ठा्ण्यात आकस्मिक मृत्यूची नोंद केली आहे.

विहिरीत उडी मारुन आत्महत्या

नांदेड- हदगाव येथील बुद्ध भूमी वसाहतीत राहणाऱ्या विनोद बंडू खंदारे (वय ४०) या व्यक्तीने विहिरीत उडी घेऊन आत्महत्या केली. अज्ञात कारणावरून त्याने आत्महत्या केल्याचे पोलिसांनी नमूद केले आहे. संदीप खंदारे यांनी या घटनेप्रकरणी हदगाव ठाण्यात माहिती दिली होती.