ऑटोचालकाची बसचालकाला मारहाण

सव्वा लाख रुपयांचा गुटखा पकडला

शहरातील मदिना तुल उलूम उर्दू शाळेच्या समोर गुटखा बाळगणाऱ्या दोघांना पोलिसांनी पकडले आहे. त्यांच्याकडून १ लाख २२ हजार रुपयांचा गुटखा जप्त करण्यात आला. या प्रकरणात पोउपनि परमेश्वर ठाकूर यांच्या तक्रारीवरून इतवारा पोलिस ठाण्यात गुन्हा नोंद झाला.

तळणीत आखाड्यावरील अड्ड्यावर धाड

हदगाव तालुक्यातील मौजे तळणी येथे बंडू तावडे यांच्या शेतातील आखाड्यावर सुरू असलेल्या जुगार अड्ड्यावर पोलिसांनी धाड मारली. ७ सप्टेंबर रोजी ही कारवाई करण्यात आली. यावेळी साडेपाच हजार रुपये जप्त केले असून सहा जणांना पकडण्यात आले. या प्रकरणात हदगाव पोलिस ठाण्यात गुन्हा नोंद झाला.

धर्माबाद, मरखेलला दारू पकडली

धर्माबाद ते कंदकुर्ती रस्त्यावर विनापरवाना दारूची वाहतूक करताना पोलिसांनी एकाला पकडले. त्याच्याकडून दीड हजार रुपयांची दारू आणि दुचाकी जप्त केली. तर मरखेल हद्दीत १२ हजार ५०० रुपयांची शिंदी, दारू जप्त करण्यात आली.

रेल्वेच्या धडकेत मेंढपाळाचा मृत्यू

मुदखेड तालुक्यात रेल्वेच्या धडकेत एका मेंढपाळाचा मृत्यू झाला आहे. ही घटना ७ सप्टेंबर रोजी घडली. निळकंठ हरी पुयड हा मेंढपाळ शेळ्या घेऊन पटरीवरून जात होता. त्याचवेळी नांदेड ते निजामाबाद रेल्वे आली. परंतु पुयड यांचे लक्ष न गेल्याने रेल्वेने त्यांना धडक दिली. या अपघातात त्यांचा जागीच मृत्यू झाला. या प्रकरणात मुदखेड पोलिसांनी आकस्मिक मृत्यूची नोंद केली आहे.