बैलाला हाकलल्याने झाला राडा

कारच्या धडकेत तरुणाचा मृत्यू

शहरातील शासकीय विश्रामगृहासमोर भरधाव वेगातील कारने दुचाकीस्वाराला दिलेल्या धडकेत तरुणाचा मृत्यू झाला. ही घटना ६ ऑगस्ट रोजी रात्री १० वाजेच्या सुमारास घडली.

स्नेहनगर पोलीस कॉलनीतील रहिवासी ऋषिकेश बाबूराव मेथेवाड (२१) हा तरुण ६ सप्टेंबर राेजी रात्री १० वाजेच्या सुमारास एम.एच.२६, बीवाय ०९३७ या क्रमांकाच्या दुचाकीवरुन जात होता. त्याचवेळी मागाहून भरधाव वेगाने आलेल्या एम.एच.२६, एस १५६५ या क्रमांकाच्या कारने मेथेवाड यांच्या दुचाकीला धडक दिली. या अपघातात गंभीर जखमी झालेल्या मेथेवाड यांचा मृत्यू झाला. या प्रकरणात शिवाजीनगर पोलीस ठाण्यात गुन्हा नोंदविण्यात आला आहे.

तानाजी नगरातून मुलाला पळविले

शहरातील तानाजी नगर भागातून एका अल्पवयीन मुलाला पळविण्यात आले. १ सप्टेंबर रोजी ही घटना घडली. आदर्श विलास भालेराव असे अल्पवयीन मुलाचे नाव आहे. गल्लीतील मित्राकडे जातो असे म्हणून तो घराबाहेर पडला होता. या प्रकरणात विमानतळ पोलिसांनी गुन्हा नोंदविला आहे.

छत्रपती चौकात फिरता बाजार पकडला

शहरातील छत्रपती चौक भागात सुरू असलेल्या फिरता बाजार या मटका अड्ड्यावर पोलिसांनी धाड मारली. ६ सप्टेंबर रोजी ही कारवाई करण्यात आली. यावेळी दहा हजार रुपये जप्त करण्यात आले असून या प्रकरणात भाग्यनगर पोलीस ठाण्यात गुन्हा नोंद झाला.

जिल्ह्यात तीन ठिकाणी दारू पकडली

जिल्ह्यात कुंडलवाडी, इतवारा आणि भोकर पोलीस ठाण्याच्या हद्दीत तीन ठिकाणी पोलिसांनी दारू पकडली. हुनगुंदा पेट्राेल पंपासमोर ११ हजार रुपयांची शिंदी दारू आणि ॲपे ऑटो पकडण्यात आला. शहरात पहिलवान टी हाऊस जवळ दीड हजारांची देशी दारू तर भोकर शहरात २ हजार ८०० रुपयांची दारू पकडली.