मौजे दगडगाव येथे घरफोडी

किनवट तालुक्यातील मौजे कोठारी येथे असलेल्या आयडिया कंपनीच्या टॉवरमधील बॅटरी चोरट्यांनी लंपास केल्या. ही घटना ९ सप्टेंबर रोजी उघडकीस आली. ७८ हजार रुपये किमतीच्या १३ बॅटरी चोरट्यांनी नेल्या. या प्रकरणात अमोल देविदास गुजर यांच्या तक्रारीवरून मांडवी पोलीस ठाण्यात गुन्हा नोंद झाला.

वजिराबाद, शिवाजीनगरमधून दुचाकी चोरीला

शहरातील वजिराबाद आणि शिवाजीनगर पोलीस ठाण्याच्या हद्दीतून दोन दुचाकी चोरीला गेल्या आहेत. गजानन शिवाजी सूर्यवंशी यांनी न्यायालय परिसरात तर कैलास व्यंकटराव देशमुख यांनी भाग्यलक्ष्मी महिला बँकेसमोर दुचाकी उभी केली हाेती. ही दुचाकी लांबविण्यात आली.

जिल्ह्यात तीन ठिकाणी दारू पकडली

जिल्ह्यात मुदखेड, शिवाजीनगर आणि उमरी पोलीस ठाण्याच्या हद्दीत तीन ठिकाणी दारू पकडण्यात आली. मुदखेड येथे २ हजार ४०० रुपयांची देशी दारू, शहरात विष्णुनगरात अडीच हजारांची शिंदी तर उमरी येथे ३ हजार ३०० रुपयांची दारू पकडण्यात आली.