चाकूचा धाक दाखवून जोडप्याला लुबाडले

जिल्ह्यात दोन दुचाकी चोरीला

नायगाव शहरातील जनता हायस्कूल परिसरातून चोरट्याने दुचाकी लांबविली. जगन्नाथ शिवराज जाधव यांनी एम.एच.२६, बीव्ही ७७३५ या क्रमांकाची दुचाकी उभी केली हाेती. या प्रकरणात नायगाव ठाण्यात गुन्हा नोंद झाला. तर नांदेड शहरातील दत्तनगर भागात गंगाधर यानपलेवार यांची खंडोबा मंदिराच्या मागे ठेवलेली एम.एच.२६, बीबी १५०३ ही दुचाकी लांबविण्यात आली. या प्रकरणात शिवाजीनगर पोलिस ठाण्यात गुन्हा नोंद झाला.

मारतळा येथे टॉवरचे साहित्य लंपास

मारतळा येथील जिओ कंपनीच्या टॉवरमधील साहित्याची चोरी करण्यात आली. टॉवरमधील सोलारची पावर केबल, जंक्शन बॉक्स असे आठ हजार रुपये किमतीचे साहित्य लंपास करण्यात आले. या प्रकरणात प्रदीप सुभाष पवार यांच्या तक्रारीवरुन उस्मान नगर पोलिस ठाण्यात गुन्हा नोंद झाला.

बैल खरेदीचे पैसे देण्यास नकार

मुखेड तालुक्यातील मौजे अंबुलगा येथून काही शेतकऱ्यांकडून बैल खरेदी करण्यात आले होते. त्यातील काही रक्कम दिल्यानंतर उर्वरित २ लाख ५ हजार रुपये एक महिन्यात देण्याचे ठरले होते. परंतु शेतकरी माधव गोविंद गरडे हे पैसे मागण्यासाठी गेले असता टाळाटाळ करण्यात आली. या प्रकरणात मुक्रमाबाद पोलिस ठाण्यात गरडे यांच्या तक्रारीवरून गुन्हा नोंदविण्यात आला आहे.

तरुणीसह आजीला केली मारहाण

शहरातील चिरागगल्ली भागात तरुणीसह तिच्या आजीला चार जणांनी मारहाण केली. ही घटना ११ मे रोजी घडली. आरोपींनी जुन्या वादातून निकिता अशोकसिंह परमार यांच्या आजीला मारहाण केली होती. भांडण सोडविण्यासाठी निकिता मध्ये पडल्या. त्यानंतर आरोपींनी त्यांनाही मारहाण केली. या प्रकरणात इतवारा पोलिस ठाण्यात गुन्हा नोंदविण्यात आला आहे.