मठ संस्थानचा निर्णय

कासराळी - येथील ग्रामदैवत खाकेश्वर यात्रेचे धार्मिक विधी वगळून अन्य सर्वच कार्यक्रम रद्द करण्याचा निर्णय मठ संस्थान समितीने घेतला असून कोरोनाच्या पार्श्वभूमीवर घेतलेल्या या निर्णयामुळे पारंपरिक यात्रा , कुस्त्या आणि सांस्कृतिक कार्यक्रमाच्या आनंददायी पर्वणीवर विरजण पडणार आहे.

येथील खाकेश्वर मठ संस्थान समिती सदस्य तथा जि.प.सदस्य लक्ष्मण ठक्करवाड , पो.पा. गंगाराम चरकुलवार , सोमलिंग पाटील , सूर्यकांत महाजन , विठ्ठल शिंदे व अन्य समिती सदस्यांची बैठक मंगळवारी पार पडली . सदर बैठकीत समिती सदस्यांनी एकमेकांची मते जाणून घेतली. कोरोनाच्या पार्श्वभूमीवर खाकेश्वर यात्रा आल्याने यात्रा रद्द करण्यात आली आहे. धार्मिक विधी वगळून यात्रा , कुस्त्या असे कुठलेही अन्य कार्यक्रम होणार नाहीत . ४० वर्षात यात्रा रद्द करण्याची ही पहिलीच वेळ आहे. या बैठकीस समिती सदस्य अशोक महाजन यांच्यासह सरपंच प्रतिनिधी शिवानंद सोमासे , उपसरपंच शेषराव लंके आदी उपस्थित होते.