जिल्ह्यात आज १८ वर्षांवरील सर्व व्यक्तींना डोस उपलब्ध

मनपा क्षेत्रात मोडणाऱ्या १९ केंद्रांवर लसीचे डोस उपलब्ध करून दिले आहेत. या केंद्रात श्री गुरु गोविंदसिंघजी जिल्हा रुग्णालय, डॉ. शंकरराव चव्हाण वैद्यकीय महाविद्यालय, शासकीय आयुर्वेदिक महाविद्यालय, स्त्री रुग्णालय, शहरी दवाखाना हैदरबाग, शिवाजीनगर, जंगमवाडी, दशमेश हॉस्पिटल, कौठा, श्रावस्तीनगर (विजयनगर), सिडको, रेल्वे हॉस्पिटल, पौर्णिमानगर, सांगवी, खडकपुरा, करबला, अरबगल्ली, तरोडा, विनायकनगर येथे कोविशिल्ड लसीचे प्रत्येकी १०० डोस उपलब्ध आहेत.

श्री गुरु गोविंद सिंघजी जिल्हा रुग्णालय, डॉ. शंकरराव चव्हाण वैद्यकीय महाविद्यालय, शासकीय आयुर्वेदिक महाविद्यालय, स्त्री रुग्णालय, शहरी दवाखाना शिवाजीनगर, जंगमवाडी, दशमेश हॉस्पिटल, कौठा, श्रावस्तीनगर (विजयनगर), रेल्वे हॉस्पिटल येथे कोव्हॅक्सिन लसीचे प्रत्येकी १०० डोस तर शहरी दवाखाना हैदरबाग, सिडको या केंद्रावर कोव्हॅसिन लसीचे प्रत्येकी ८० डोस उपलब्ध आहेत.

शहरी भागात मोडणाऱ्या उपजिल्हा रुग्णालय हदगाव, ग्रामीण रुग्णालय भोकर, बिलोली, धर्माबाद, मांडवी या ५ केंद्रांवर कोविशिल्ड लस तर उपजिल्हा रुग्णालय देगलूर, हदगाव, गोकुंदा, मुखेड, ग्रामीण रुग्णालय भोकर, बिलोली, धर्माबाद, हिमायतनगर, कंधार, मांडवी, लोहा, माहूर, मुदखेड, बारड, नायगाव, उमरी या १६ केंद्रावर कोव्हॅक्सिन लसीचे प्रत्येकी १०० डोस उपलब्ध आहेत.

ग्रामीण भागात हदगाव तालुक्यातील प्राथमिक आरोग्य केंद्र निमगाव व बिलोली तालुक्यातील प्राथमिक आरोग्य केंद्र सगरोळी येथे कोविशिल्ड लसीचे प्रत्येकी १०० डोस उपलब्ध करून दिले आहेत.

सर्व लसीकरण केंद्रांवर १८ ते ४४ वयोगटांसह ४५ वर्षांवरील लाभार्थ्यांना ऑनलाईन किंवा लसीकरण केंद्रांवर नोंदणी करण्याची सुविधा उपलब्ध करून दिली आहे.

जिल्ह्यात ३० जूनपर्यंत एकूण ६ लाख १३ हजार २५४ लाभार्थ्यांचे लसीकरण करण्यात आले तर १ जुलैपर्यंत कोविशिल्डचे ४ लाख ९२ हजार ९३० डोस, कोव्हॅक्सिनचे १ लाख ५५ हजार ६६० डोस याप्रमाणे एकूण ६ लाख ४८ हजार ५९० डोस प्राप्त झाले असल्याचे जिल्हा आरोग्य अधिकारी डॉ. बालाजी शिंदे यांनी सांगितले.

00000