जिल्ह्यात पाच दुचाकी चोरीला

बेकरी चालकाला बेदम मारहाण

नांदेड- शहरातील पक्कीचाळ भागात प्लॉटवर कब्जा करण्याच्या प्रयत्नात असलेल्यांशी वाद घालणाऱ्या एका बेकरी चालकाला बेदम मारहाण करण्यात आली. मोहम्मद शाहबाज मोहम्मद एजाज असे बेकरी चालकाचे नाव आहे. पोलीस चौकीसमोर असलेल्या त्यांच्या जागेवर काही जण टिनपत्रे टाकत होते. त्याला मोहम्मद शाहबाज यांनी विरोध केला. त्याचा राग मनात धरून आरोपींनी त्यांना लोखंडी पाईपने मारहाण केली. या प्रकरणात वजिराबाद पोलीस ठाण्यात गुन्हा नोंदविण्यात आला आहे.

दीड लाख रुपयांसाठी विवाहितेचा छळ

ऑटो घेण्यासाठी माहेराहून दीड लाख रुपये घेऊन येण्याची मागणी करीत विवाहितेचा छळ करण्यात आला. ही घटना हिंगोलीच्या रिसाला बाजार परिसरात घडली. पैशाची मागणी पूर्ण होत नसल्याने पीडितेला सासरच्या मंडळीकडून मारहाण करण्यात आली. या प्रकरणात देगलूर पोलीस ठाण्यात गुन्हा नोंदविण्यात आला आहे. तपास पोना केंद्रे हे करीत आहेत.

हबिबिया कॉलनीत जुगारावर धाड

शहरातील हबिबिया कॉलनीत सुरू असलेल्या जुगार अड्ड्यावर पोलिसांनी धाड टाकली. २२ मार्च रोजी ही कारवाई करण्यात आली. या ठिकाणी कल्याण नावाचा मटका सुरू होता. यावेळी पाच हजार रुपये जप्त करण्यात आले. या प्रकरणात नांदेड ग्रामीण पोलीस ठाण्यात गुन्हा नोंदविण्यात आला आहे.

दारूची अवैध विक्री होताना पकडले

शहरातील छत्रपती चौक परिसरात दारूची अवैधपणे होणारी विक्री पोलिसांनी पकडली. २३ मार्च रोजी ही कारवाई करण्यात आली. यावेळी साडेचार हजार रुपयाची विदेशी दारू पकडण्यात आली. या प्रकरणात भाग्यनगर पोलीस ठाण्यात गुन्हा नोंदविण्यात आला आहे.