माजी आमदार नागनाथरावजी रावणगावकर यांचे निधन
By लोकमत न्यूज नेटवर्क | Published: August 2, 2021 03:11 PM2021-08-02T15:11:45+5:302021-08-02T15:13:04+5:30
सोमवारी रात्री ८ वाजता नांदेडच्या 'गोवर्धन'घाट स्मशानभूमीत अंत्यसंस्कार करण्यात येणार
माजी आमदार नागनाथरावजी रावणगावकर यांचे निधन
नांदेड : मुखेड-देगलूर विधानसभा मतदार संघाचे माजी आमदार नागनाथराव सटवाजीराव रावणगावकर यांचे वयाच्या ७२ व्या वर्षी सोमवारी ( दि. २ ) सकाळी हृदयविकाराने निधन झाले.
नांदेड जिल्ह्यातील 'मुखेड-देगलूर' विधानसभेचे (१९८० ते १९८४) या कालावधीमध्ये आमदार राहिलेल्या नागनाथराव रावणगावकर यांच्या पार्थिव देहावर सोमवारी रात्री ८ वाजता नांदेडच्या 'गोवर्धन'घाट स्मशानभूमीत अंत्यसंस्कार करण्यात येणार आहेत.
राष्ट्रवादी काँग्रेसचे जेष्ठ पदाधिकारी माजी आमदार दिवंगत नागनाथराव रावणगावकर यांच्या पश्चात पत्नी, दोन मुले, सुना,दोन मुली, जावई, नातवंडे, भाऊ, भावजय, पुतण्या व पुतने असा मोठा परिवार आहे. नांदेड शहरातील 'आयटीआय' चौकाशेजारील 'एच.आय.जी' कॉलनीत ते वास्तव्यास होते.
