ग्रामसेवक वडजे रुजू

रायभोगे यांनी स्वीकारला पदभार

भोकर : जिल्हा परिषद बांधकाम विभागाच्या भोकरचे कार्यकारी अभियंता म्हणून प्रकाश रायभोगे यांनी पदभार स्वीकारला. कार्यालयात एकूण १७ कर्मचारी आहेत. हे कार्यालय नव्याने सुरू करण्यात आले. रायभोेगे यांनी पदभार स्वीकारताना शाखा अभियंता चव्हाण, कुलकर्णी, नाना उमरीकर उपस्थित होते.

कुंडलवाडीत वृक्षारोपण

कुंडलवाडी : येथील माचनूर रोडलगत असलेल्या दलित वस्ती स्मशानभूमीत २०० रोपांचे वृक्षारोपण नगराध्यक्षा सुरेखा जिठ्ठावार, मुख्याधिकारी ज्ञानेश्वर ठोंबरे यांच्या हस्ते वृक्षारोपण झाले. यावेळी नगरसेवक शेख मुख्त्यार, व्यंकट गिरामे, कर्मचारी सुभाष निरावार, गंगाधर पत्की, हेमचंद्र वाघमारे, राम पिचकेवार, मोहन कंपले आदी उपस्थित होते.

उमरीत वृक्षारोपण

उमरी : जागतिक पर्यावरण दिनानिमित्त उमरी नगरपरिषदेत वृक्षारोपणाचा कार्यक्रम घेण्यात आला. यावेळी नगराध्यक्षांचे प्रतिनिधी सदानंदराव खांडरे, उपनगराध्यक्ष महंमद रफीक, गटनेता प्रवीण सारडा, नगरसेविका अनुसयाबाई कटकदवणे, नगरसेवक साईनाथ जमदाडे, शंकरराव पाटील, रतन खंदारे, नंदकिशोर डहाळे, अशोकराव मामीडवार, सोनू वाघमारे आदी उपस्थित होते.

उपसभापतींची आज निवड

देगलूर : येथील पंचायत समितीच्या नव्या उपसभापतींची निवड उद्या मंगळवारी होणार आहे. यापूर्वीच्या उपसभापती ज्योती चिंतलवार यांनी राजीनामा दिल्याने ही निवडणूक घेण्यात येत आहे. पीठासीन अधिकारी म्हणून उपजिल्हाधिकारी शक्ती कदम राहणार आहेत.

पर्यावरण दिन साजरा

मांडवी : पर्यावरण दिनानिमित्त मांडवीत वनपरीक्षेत्रांतर्गत जवरला येथे वृक्षारोपण करण्यात आले. यावेळी विविध २०० वृक्षांचे रोपण करण्यात आले. यावेळी वनविभागाचे उपवनसंरक्षक एम.आर. शेख, वनपरिक्षेत्र अधिकारी योगेश शेरेकर, ॲड.माधवराव मरस्कोल्हे, सरपंच भूपेंद्र आडे आदी उपस्थित होते. कार्यक्रमासाठी वनपाल माने, मीरा गायकवाड, वनरक्षक रायमल्ले, गमे पाटील, माधव डाके यांनी परिश्रम घेतले.

शिवस्वराज्य दिन साजरा

नायगाव : घुंगराळा येथे शिवस्वराज्य दिन सरपंच राधाबाई जोगेवार यांच्या उपस्थितीत साजरा करण्यात आला. यावेळी उपसरपंच वसंत सुगावे पाटील, ग्रामसेवक कदम सदस्य गोविंदराव पांचाळ, गंगाधर सूर्यवंशी, लक्ष्मीबाई ढगे, गयाबाई ढगे, रंजना कंचलवार, बालाजी मातावाड आदी उपस्थित होते.

सोमठाण्यात वृक्ष लागवड

भोकर : तालुका आरोग्य अधिकारी राहुल वाघमारे यांच्या उपस्थितीत सोमठाणा आरोग्य उपकेंद्र, मातूळ आरोग्य उपकेंद्र व परिसरातील उपकेंद्रावर वृक्ष लागवड करण्यात आली. यावेळी वैद्यकीय अधिकारी डॉ.एम.एस. डाकोरे, सरपंच, उपसरपंच, आरोग्य कर्मचारी, ग्रामस्थ आदी उपस्थित होते.

पालकमंत्र्यांची घेतली भेट

कुंडलवाडी : शहरातील विविध विकास कामांसाठी नगरपालिका पदाधिकाऱ्यांनी मुंबई मुक्कामी पालकमंत्री अशोकराव चव्हाण यांची भेट घेऊन त्यांना विविध मागण्यांचे निवेदन दिले. यावेळी नरेंद्र जिठ्ठावार, उपाध्यक्ष शैलेष ऱ्याकावार, नगरसेवक सचिन कोटलवार, बिलोलीचे माजी नगराध्यक्ष संतोष कुलकर्णी, मिलिंद पाडाळकर यांनी चव्हाण यांच्यासोबत सविस्तर चर्चा केली.

लखमावाड सेवानिवृत्त

बिलोली : तालुका पर्यवेक्षक रामलू लखमावाड सेवानिवृत्त झाल्याने तालुका आरोग्य कार्यालयाच्या वतीने त्यांना निरोप देण्यात आला. यावेळी वैद्यकीय अधिकारी डॉ.बालाजी सातमवाड यांचा कार्यकाळ एक वर्ष वाढल्याने त्यांचा सत्कार करण्यात आला. कार्यक्रमास बिलोलीचे डॉ.गणपत वाडेकर, देगलूरचे डॉ.आकाश देशमुख, ग्रामीण रुग्णालयाचे अधीक्षक डॉ.नागेश लखमावार, डॉ.विनोद माहुरे, डॉ.नरेश बोधनकर, डॉ.बोरसे, तालुका पर्यवेक्षक कटके उपस्थित होते.

उपाध्यक्षनदी नवीन राठोड

मांडवी : ओबीसी सेलचे प्रदेश काँग्रेस सरचिटणीस नवीन राठोड यांची आश्रमशाळा संस्थाचालक संघटनेच्या राज्य उपाध्यक्षपदी निवड झाली. या निवडीचे अनेकांनी स्वागत केले आहे.

शेतकऱ्यांना बियाणे वाटप

अर्धापूर : शिवगंगा दूध डेअरी व भाजयुमोच्या वतीने ५ जून रोजी शेतकऱ्यांना बी-बियाणे वाटप करण्यात आले. अध्यक्षस्थानी जिल्हाध्यक्ष ॲड.किशोर देशमुख, तर प्रमुख पाहुणे म्हणून तालुकाध्यक्ष बालाजी स्वामी, जठन पाटील, उपजिल्हाध्यक्ष बाबुराव लंगडे, विराज देशमुख, सखाराम क्षीरसागर, नगरसेवक तुकाराम साखरे, शिवराज जाधव, शहराध्यक्ष विलास साबळे उपस्थित होते. आयोजन योगेश हाळदे, तुकाराम माटे यांनी केले.