प्रयोगशाळा सहायक राचोटकर सेवानिवृत्त

दुचाकी चोरीच्या दोन घटना

नांदेड-जिल्ह्यात लोहा आणि उस्मानगर पोलीस ठाण्याच्या हद्दीतून दोन दुचाकी चोरीला गेल्या. रामा मारोती गोडबोले यांनी एमएच २६ एजे ५६०३ या क्रमांकाची दुचाकी लोहा येथील एसबीआय बँकेसमोर उभी केली होती. चोरट्याने ही दुचाकी लांबविली. तर रामराव गोविंद जाधव यांची एमएच २६ बीयू २६३० या क्रमांकाची दुचाकी लांबविली. या प्रकरणात संबंधित पोलीस ठाण्यांत गुन्हे नोंदविण्यात आले आहेत.

मुदखेड शिवारात जुगारावर धाड

मुदखेड तालुक्यातील कॅनॉल रोड भागात सुरू असलेल्या जुगार अड्ड्यावर पोलिसांनी धाड टाकली. १ जानेवारी रोजी ही कारवाई करण्यात आली. यावेळी पोलिसांनी तीन हजार रुपये जप्त केले. या प्रकरणात पोहेकॉ. रवी लोहाळे यांच्या तक्रारीवरून मुदखेड पोलीस ठाण्यात गुन्हा नोंदविण्यात आला आहे.

रेल्वेस्टेशन रस्त्यावर दारू पकडली

मुगट रेल्वेस्टेशनवरील रस्त्यावर अवैधपणे विक्रीसाठी ठेवण्यात आलेली तीन हजार रुपयांची दारू पोलिसांनी पकडली. १ जानेवारी रोजी ही कारवाई करण्यात आली आहे. पोहेकॉ. विठ्ठल उतकर यांच्या तक्रारीवरून मुदखेड पोलीस ठाण्यात गुन्हा नोंदविण्यात आला आहे.