२७ डिसेंबरला पद्मशाली समाजाची बैठक

अनोळखी इसमाचे प्रेत आढळले

नांदेड : शहरातील इतवारा भाजी मार्केट परिसरात एका अनोळखी इसमाचे प्रेत आढळून आले आहे. अंदाजे ५० ते ५५ वर्षे वयोगट असलेल्या या इसमाचा लिव्हर आणि फुप्फुसे खराब होऊन मृत्यू झाल्याचे डॉक्टरांनी सांगितले. सदरील मयताची अद्याप ओळख पटली नसून, इतवारा पोलिसांशी संपर्क साधण्याचे आवाहन करण्यात आले आहे.

गोवर्धन घाटाजवळ बेवारस प्रेत

नांदेड : शहरातील गोवर्धन घाट परिसरात एका ४० वर्षीय इसमाचे प्रेत आढळून आले आहे. या इसमाचा खून झाला, की त्याने आत्महत्या केली हे मात्र अद्याप स्पष्ट झाले नाही. याबाबत वजिराबाद पोलीस ठाण्यात आकस्मिक मृत्यूची नोंद करण्यात आली आहे.

इसमाचे प्रेत आढळून आल्याची माहिती मिळताच पोनि. संदीप शिवले घटनास्थळी दाखल झाले होते. सदरील इसमाचा खून की आत्महत्या, याबाबत सोशल मीडियात चर्चा होती. हा इसम वेडसर असून, अन्नाच्या शोधात या परिसरात फिरत असल्याचे पोलिसांचे म्हणणे आहे.

शक्तिसिंह परमार विद्यार्थी सेनेच्या जिल्हाध्यक्षपदी

महाराष्ट्र नवनिर्माण सेनेच्या विद्यार्थी सेनेचे अध्यक्ष आदित्य शिरोडकर यांनी शक्तिसिंग परमार यांची विद्यार्थी सेनेच्या जिल्हाध्यक्षपदी नियुक्ती केली आहे.

परमार हे २००७ पासून उपजिल्हाध्यक्ष म्हणून कार्यरत होते. यावेळी जिल्हाध्यक्ष मॉटींसिंग जहागीरदार, शहराध्यक्ष अब्दुल शफिक, ग्रामीण जिल्हाध्यक्ष गजानन चव्हाण, अनिकेत परदेशी, श्रीनिवास एडके, शंकर सरोदे यांची उपस्थिती होती.